حالىقارالىق كىتاپ كورمە-جارمەڭكەسى وتەدى

17-21 ءساۋىر ارالىعىندا استانادا «Eurasian Book Fair» ەۋرازيالىق حالىقارالىق كىتاپ كورمە-جارمەڭكەسى وتەدى, دەپ حابارلايدى astana-akshamy.kz

«Eurasian Book Fair» – ەۋرازيالىق كەڭىستىكتەگى ءىرى مادەني-اعارتۋشىلىق ءىس-شارا, ول ءبىر ۇلكەن زياتكەرلىك پلاتفورمادا ەۋروپا مەن ازيا ەلدەرىنىڭ باسپا, كىتاپ ساتۋ, عىلىمي-ءبىلىم بەرۋ جانە پوليگرافيالىق كومپانيالارىن بىرىكتىرەدى.

ءىس-شارانىڭ ۇيىمداستىرۋشىسى استانا قالاسى اكىمدىگىنىڭ قولداۋىمەن «فوليانت» باسپاسى بولىپ سانالادى.

«Eurasian Book Fair» كىتاپ كورمە-جارمەڭكەسىنىڭ نەگىزگى ماقساتتارى مەن مىندەتتەرى:

– ەۋرازيا كەڭىستىگى مەملەكەتتەرىنىڭ مادەنيەتىن, ادەبيەتىن جانە كىتاپ شىعارۋدىڭ ءتۇرلى سالالارىن دامىتۋ سالاسىنداعى جەتىستىكتەرىن كورسەتۋ;

– حالىقارالىق مادەني, ىسكەرلىك بايلانىستاردى نىعايتۋ جانە رۋحاني-ادامگەرشىلىك اعارتۋ, ءبىلىم بەرۋ جانە مادەنيەت سالاسىنداعى مەملەكەتتىك, قوعامدىق جانە كاسىپكەرلىك قۇرىلىمداردىڭ بەلسەندى ىنتىماقتاستىعىن دامىتۋ;

– كىتاپتى ناسيحاتتاۋ, وقۋدى قولداۋ, دامىتۋ جانە ناسيحاتتاۋ, وقىرمان مادەنيەتىن قالىپتاستىرۋ;

– الەۋەتتى وقىرماندار مەن ساتىپ الۋشىلارعا جەتەكشى باسپالاردىڭ كىتاپ ونىمدەرىنىڭ ۇزدىك زاماناۋي اسسورتيمەنتىن, كىتاپ شىعارۋ جانە پوليگرافيا سالاسىنداعى جاڭا تەحنولوگيالاردى ۇسىنۋ.

كورمە-جارمەڭكە 17-21 ءساۋىر ارالىعىندا گەيدار اليەۆ كوشەسى, 12, كونگرەسس ورتالىعىندا وتەدى.