«قازگيدرومەت» رمك ءباسپاسوز حاتشىسى الينا ىسماعۇلوۆا قاي وڭىرلەردە سۋ تاسقىنىنىڭ ەكىنشى تولقىنى كۇتىلەتىنىن ايتتى. مالىمەت بويىنشا سولتۇستىك قازاقستان وبلىسى, باتىس قازاقستان وبلىسى, شىعىس قازاقستان وبلىسى, اقمولا جانە اتىراۋ وبلىسىندا قاۋىپتى جاعداي ءالى دە ساقتالادى.
سپيكەردىڭ ايتۋىنشا, سولتۇستىك قازاقستان وبلىسىنىڭ اۋماعىندا اقمولا وبلىسىنىڭ اۋماعىنداعى سالالار بويىنشا ەسىل وزەنىنىڭ كوتەرىلۋى ەسەبىنەن (جاباي, قالقۋتان جانە ت. ب.); باتىس قازاقستان وبلىسىنىڭ اۋماعىندا رەسەي فەدەراتسياسىنىڭ اۋماعىنان جايىق وزەنى ارقىلى سۋدىڭ ءتۇسۋى ەسەبىنەن; اتىراۋ وبلىسىنىڭ اۋماعىندا باتىس قازاقستان وبلىسىنىڭ اۋماعىنان جايىق وزەنى ارقىلى سۋدىڭ ءتۇسۋى ەسەبىنەن سۋ تاسقىنى ەكىنشى تولقىنىنىڭ ءجۇرۋ قاۋپى بار.
سونداي-اق ا.ىسماعۇلوۆا مىناداي قوسىمشا بولجاممەن دە ءبولىستى: «شىعىس قازاقستان وبلىسىنىڭ اۋماعىندا ورنالاسقان تاۋلى وزەندەردە سۋ تاسقىنى كەزەڭى جازىق وزەندەردەن كەيىن وتەدى. قازىرگى ۋاقىتتا اقمولا وبلىسى اۋماعىنداعى ەسىل وزەنىنىڭ كەيبىر سالالارىندا سۋ تاسقىنى جوعارى شەككە جەتتى, بۇل ەسىل وزەنىندە سۋ دەڭگەيىنىڭ قايتا كوتەرىلۋىنە سەبەپ بولۋى مۇمكىن. سونداي-اق سۋ دەڭگەيىنىڭ كوتەرىلۋى نۇرا وزەنىنىڭ تومەنگى اعىسىندا جالعاسۋدا».
