قالا اكىمىنىڭ ورىنباسارى ەسەت بايكەن اۋعان, يراك جانە تاۋلى قاراباق قاقتىعىسىندا سوعىسقان ارداگەرلەر ۇيىمىنىڭ باسشىلارىمەن كەزدەستى.
كەزدەسۋ بارىسىندا ارداگەرلەردىڭ الەۋمەتتىك ماسەلەلەرى بويىنشا پىكىر الىستى. ياعني مەديتسينالىق كومەك, ساناتوري/كۋرورتتىق دەمالىس, باسپانا, الەۋمەتتىك تولەمدەر جانە باسقا دا تۇرمىستىق ماسەلەلەرگە قاتىستى سۇراقتار قويىلدى.
كۇن تارتىبىندەگى تاعى ءبىر ماڭىزدى ماسەلەنىڭ ءبىرى كەلەسى جىلى اۋعانستان جەرىنەن اسكەرلەردىڭ تولىعىمەن شىققانىنا 35 جىل تولۋىنا قاتىستى بولدى. وسىعان وراي وتەتىن بىرقاتار ءىس-شارانىڭ دايىندىق جۇمىسىن تالقىلاپ, اقىلداستى. اتالعان ماسەلەلەردى پىسىقتاپ, شەشۋ ءۇشىن باسقا دا مەملەكەتتىك ورگاندارمەن جۇمىس توبىن قۇرۋعا كەلىسىپ, وسىنداي كەزدەسۋ اپتا سايىن وتەتىنىن ءمالىم ەتتى.
