جاستار سارايىندا وتكەن مەرەكەلىك كونتسەرت ارداگەر انالاردىڭ قۇرمەتىنە ارنالدى. ەلوردالىق ونەرپازدار اياۋلى جانداردى كوكتەمنىڭ شۋاقتى مەرەكەسىمەن قۇتتىقتاپ, ءان مەن جىردان شاشۋ شاشتى.
بۇل كۇنى ساحنا تورىندە «ناز» بي تەاترىنىڭ ءبيشىلەرى مىڭ بۇرالا بيلەسە, تەاتر جانە تسيرك ارتىستەرى پوەتيكالىق مينياتيۋرالارىن ۇسىندى. ارداگەرلەردەن قۇرالعان حور مەن «Voice-Art», «رادۋگا», «انگيورس», «نوماد» جانە «سارىارقا» بالالار ۇجىمدارى دا ءتۇرلى مۋزىكالىق سالەمدەرىن جولدادى.
ەلىمىزگە ەڭبەگى سىڭگەن قايراتكەر الەكساندر ابىلاەۆ جەتەكشىلىك ەتەتىن ەسترادالىق-سيمفونيالىق وركەستردىڭ ورىنداۋىنداعى اۋەندەر كوپشىلىكتىڭ قۇلاق قۇرىشىن قاندىردى. رۋحاني كەشكە جينالعان قاۋىم «ا ۆ گورودسكوم سادۋ يگراەت…» اۋەنىنە ۆالس بيلەپ, مەرەكەنىڭ كورىگىن قىزدىردى.
«استانا قالاسىندا جەتپىس مىڭعا جۋىق ارداگەر بار.
8 ناۋرىز – ايەلدەر مەرەكەسى جانە ناۋرىز مەيرامى قارساڭىندا ولارعا ادەمى كەش ۇيىمداستىرعاندى ءجون كوردىك. ەلوردالىق ونەرپازداردىڭ قاتىسۋىمەن وتكەن مەرەكەلىك كونتسەرت جوعارى دەڭگەيدە ءوتتى. ارداگەرلەردىڭ قۇرمەتىنە ارناپ مۇنداي شارالاردى وتكىزۋ يگى ءداستۇرگە اينالىپ كەلەدى» دەيدى استانا قالاسى ارداگەرلەر كەڭەسىنىڭ توراعاسى سانسىزباي ەسىلوۆ.
گۇلميرا شارحانقىزى
