استانا – بەيبىتشىلىك قالاسى

 استانا اكىمى اسەت يسەكەشەۆ ەلوردانى الەمدەگى ەڭ اقىلدى 50 قالالاردىڭ تىزىمىنە ەنگىزۋ ماقساتىندا جۇمىس جۇرگىزىلىپ جاتقانىن باياندادى. بۇل تۋرالى قر تۇڭعىش پرەزيدەنتى – ەلباسى كىتاپحاناسى مەن سىرتقى ىستەر مينيسترلىگى بىرىگىپ وتكىزگەن «استانا – بەيبىتشىلىك قالاسى» حالىقارالىق كونفەرەنتسياسىندا ءمالىم ەتىلدى.  

الدىمەن, شاھار باسشىسى ەلوردانىڭ 20 جىلدىق جەتىستىگىنە توقتالدى.
– ەقىۇ ءسامميتى, «EXPO-2017» حالىقارالىق كورمەسى, يسلام ىنتىماقتاستىعى ۇيىمىنىڭ ءسامميتى – استانادا وتكەن ءىرى فورۋمداردىڭ ءبىر بولىگى عانا. 20 جىل – كەز كەلگەن قالا ءۇشىن تەك باستاما. وسى ۋاقىت ارالىعىندا ءارتۇرلى مىندەتتەر اتقارىلىپ, جاڭادان قالا سالىندى. بۇگىندە ەلوردادا ەلىمىزدىڭ جاڭا تولقىنى ءومىر ءسۇرىپ جاتىر. قالا حالقى 3,5 ەسە ءوسىپ, ميلليوننان استى. ال ينۆەستيتسيا كولەمىنىڭ جىلدىق مولشەرى 44 ەسەگە كوبەيدى. ەلوردانىڭ جەتىستىكتەرى استانانى ۋربانيزاتسيانىڭ زاماناۋي ۇلگىسىنە اينالدىرادى, – دەپ اتاپ ءوتتى اسەت يسەكەشەۆ.
سونداي-اق, قالا اكىمى ەل­وردانىڭ دامۋ جولدارىمەن تانىستىردى. «استانانى الەمنىڭ ساياسي جانە ديپلوماتيا ورتالىعىنىڭ جوعارى ستاندارتىنا سايكەس­تەندىرە وتىرىپ, ەلىمىزدىڭ يننوۆاتسيا, ساۋدا, ەكونوميكا, دەنساۋلىق ساقتاۋ, ءبىلىم بەرۋ سالالارىنىڭ ور­­تالىعىنا اينالدىرۋدى كوز­دەيمىز. وسى ورايدا, قالانى جاڭعىرتۋدىڭ جاڭا باعدارلاماسى ازiرلەنiپ جاتىر. «اقىلدى ءارi قاۋiپسiز قالا» تۇجىرىم­داماسى ادام كاپيتالى مەن قالا ين­فراقۇرىلىمىن دامىتۋعا سەپتىگىن تيگىزەدى. الەمدەگى 50 ينتەللەكتۋالدى ءارى زا­ما­ناۋي قالالاردىڭ قاتارىندا كورىنۋ ءۇشىن اس­تانا ەۋرازيانىڭ مادەني, عىلىمي ورتالىعى رەتىندە
ءوز الەۋەتىن نىعايتىپ, ءوڭىر­لەردەن عالىم-زەرتتەۋ­شi­لەردى, ستۋدەنتتەردى تارتۋعا مۇددەلى» دەپ ءسوزىن قورىتىندىلادى قالا باسشىسى.
«استانا – بەيبىتشىلىك قالاسى» حالىقارالىق عىلىمي-تاجىريبەلىك كونفەرەنتسياسى وتاندىق جانە شەتەلدىك ساياساتكەرلەر مەن بەدەلدى ساراپشىلاردى تارتۋ ماقساتىندا ۇيىمداستىرىلدى.