تاۋەلسىزدىكتىڭ شيرەك عاسىر تويى قارساڭىندا ەلىمىزدىڭ باس ورداسىنىڭ قازىناسىنا العاش رەت 1 تريلليوننان استام تەڭگە جينالدى. اقجولتاي اقپاراتتى ەلوردالىق مەملەكەتتىك كىرىستەر دەپارتامەنتى جاريالادى.
ەلوردا قازىناسىنا قۇيىلعان قىرۋار قارجى ۇلكەن تىڭعىلىقتى اتقارىلعان ەڭبەكتىڭ جەمىسى. ول جايىندا استانا قالاسى بويىنشا مەملەكەتتىك كىرىستەر دەپارتامەنتى باسشىسىنىڭ مىندەتىن اتقارۋشى المات يمانعجوين: «مەملەكەتتىك كىرىستەر دەپارتامەنتىنىڭ ءۇش قۇرىلىمدىق قىزمەتتىڭ (كەدەن, سالىق جانە ەكونوميكالىق تەرگەۋ) ۇيلەسىمدى جۇمىستارىنىڭ ارقاسىندا مۇمكىن بولدى» دەيدى ول.
بۇگىندە استانادا اكىمشىلەندىرۋ, سالىق جانە كەدەن باعىتتارى بويىنشا جۇمىس دەڭگەيى ءوسىپ, كولەڭكەلى ەكونوميكاعا قارسى ءىس-قيمىل ماقساتتى جۇرگىزىلۋدە. «ەكسپو-2017» قارساڭىندا كولەڭكەلى اينالىمدى قىسقارتۋدا اتالعان دەپارتامەنتپەن باقىلاۋ مەن الدىن الۋ ءىس-شارالارى اۋقىمدى دەڭگەيدە قولعا الىنعان. ەلوردانىڭ بارلىق اۋداندارىندا سالىقتىق قىزمەت كورسەتۋ جاڭعىرتىلۋدا, ەلىمىزدە العاش رەت اشىلعان كولىك-لوگيستيكالىق ورتالىعى, حالىققا جانە بيزنەس وكىلدەرىنە مەملەكەتتىك قىزمەت كورسەتۋدە كەدەندىك رەسىمدەۋ ساپاسىن ايتارلىقتاي جاقسارتىپ, مەرزىمىن ازايتتى. وسىنداي اتقارىلعان ىرگەلى جۇمىستاردىڭ ناتيجەسىندە ەلوردامىزدىڭ ەكونوميكالىق جانە الەۋمەتتىك قۋاتى ەسەلەنە ءتۇستى.
ازامات ەسەنجول
