تاۋەلسىزدىك جىلدارى گوركي اتىنداعى تەاتر 150-دەن اسا قويىلىمنىڭ تۇساۋىن كەستى
تاۋەلسىزدىكتىڭ 25 جىلدىعىنا وراي م. گوركي اتىنداعى مەملەكەتتىك اكادەميالىق ورىس دراما تەاترى ونەر ورداسىنىڭ قىزمەتى بارىسىنداعى ەلەۋلى وقيعالار تۋرالى كورمە ۇيىمداستىردى, وندا تەاتردىڭ اكادەميالىق ستاتۋس الۋى, اكتەرلەرگە پاتەر كىلتتەرىن تابىس ەتۋ سياقتى وقيعالار قامتىلعان. سوڭعى 25 جىلدا تەاتر ءوز قويىلىمدارىنا 2000 اسا كورەرمەن جيناعان.
تاۋەلسىزدىك جىلدارى تەاتردا 150-دەن اسا پرەمەرا ءوتىپ, 8 000 اسا سپەكتاكل قويىلعان. اكتەرلەر ليۋدميلا كريۋچكوۆا, مارگاريتا مۋحامەتجانوۆا, الەكساندر كورجەنكو, لاريسا لەبەدەۆا جانە سەرگەي ماتۆەەۆ «مادەنيەت قايراتكەرى» اتاندى. ۆلاديمير يۆانەنكو «كۇرمەت» وردەنىمەن ماراپاتتالدى.
ۇجىم 70 رەسپۋبليكالىق جانە حالىقارالىق فەستيۆالگە قاتىسقان. اكادەميالىق تەاتر ستاتۋسىن الۋى اكتەرلەردى شىعارماشىلىق تۇرعىدا وسۋگە ىنتالاندىردى.
«ءبىز اكتەرلەرىمىزدىڭ بىلىكتىلىكتەرىن شىڭداۋ ءۇشىن بەلگىلى رەسەيلىك شەبەرلەردى شاقىرامىز, ءوزىمىز دە رەسەيگە بارامىز. وسىنىڭ بارلىعى ەلىمىزدە مادەنيەتتىڭ دامۋىنا كوڭىل ءبولىپ وتىرعان مەملەكەت, قالا اكىمدىگى كورسەتىپ وتىرعان قولداۋدىڭ ارقاسى», – دەيدى تەاتر ديرەكتورى, قر ەڭبەك سىڭىرگەن قايراتكەرى ەركىن حاسەنوۆ.
