استانادا «دىنارالىق تاتۋلىق – تاۋەلسىزدىكتىڭ تىرەگى» شىعارماشىلىق بايقاۋى وتەدى
قازاقستان رەسپۋبليكاسىنىڭ 25 جىلدىعىنا وراي استانا قالاسى اكىمدىگىنىڭ ءدىن پروبلەمالارىن زەرتتەۋ ورتالىعى ءدىن ىستەرى جونىندەگى باسقارمامەن بىرلەسىپ «دىنارالىق تاتۋلىق – تاۋەلسىزدىكتىڭ تىرەگى» شىعارماشىلىق بايقاۋىن وتكىزەدى. شاراعا گۋمانيتارلىق جانە شىعارماشىلىق ماماندىقتاردىڭ ورتا بىلىمنەن كەيىنگى دەڭگەيىنىڭ ستۋدەنتتەرى, جۋرناليستەر مەن كاسىپقوي ديزاينەرلەر قاتىسادى.
شارانىڭ ماقساتى – ءدىني ەمەس اعىمداردىڭ اسەر ەتۋ قاۋىپىنىڭ الدىن الۋ سالاسىنداعى وزەكتى ماسەلەلەر جونىندە اقپارات تاراتۋ بويىنشا جاستاردىڭ شىعارماشىلىق مۇمكىندىكتەرىن دامىتۋ جانە قولداۋ, ەلىمىزدىڭ ءداستۇرى مەن مادەنيەتىنە ساي ءدىني سانا-سەزىمدى قالىپتاستىرۋ. سونىمەن قاتار, ءدىن ماسەلەلەرىنە قاتىستى وقيعالاردى ءادىل جانە قاساقانا ەمەس جاريالايتىن باق وكىلدەرى ىنتالاندىرىلاتىن بولادى.
بايقاۋ ءۇش نوميناتسيا بويىنشا وتەدى: «ەڭ ۇزدىك ماقالا, ماقالالار توپتاماسى», «ەڭ ۇزدىك كورنەكتى تۋىندى», «ەڭ ۇزدىك بەينەشىعارما نەمەسە ستسەناري». ءار نوميناتسيادا جۇلدەلى ءۇش ورىن بولادى.
بايقاۋعا قاتىسۋعا وتىنىمدەر 2016 جىلدىڭ 20 قىركۇيەگىنە دەيىن baiqau@mail.ru ەلەكتروندىق پوشتاسى بويىنشا قابىلدانادى. تولىق اقپاراتتى + 7701 173 23 76, + 7747 666 27 04 تەلەفوندارى بويىنشا جانە religii.kz سايتىنان الۋعا بولادى.
astana.gov.kz
