استانادا تاۋەلسىزدىك سارايىندا ەلباسى نۇرسۇلتان نازارباەۆتىڭ توراعالىعىمەن «نۇر وتان» پارتياسىنىڭ كەزەكتى ءحVىىى سەزى وتۋدە, دەپ حابارلايدى ەلوردا ينفو.
سەزددىڭ كۇن تارتىبىندە بىرنەشە ماسەلەنى قارالۋدا. اتاپ ايتقاندا, پارتيانىڭ 20 جىلدىعىنا وراي وتكىزىلىپ وتىرعان سەزدە پارتيا جارعىسىنا وزگەرتۋلەر مەن تولىقتىرۋلار ەنگىزۋ جانە ساياسي كەڭەس پەن ورتالىق باقىلاۋ-تەكسەرۋ كوميسسياسىنىڭ ەسەپتىك كەزەڭدەگى جۇمىس قورىتىندىلارى تالقىلانۋدا.
سونىمەن قاتار پارتيا ساياسي كەڭەسىنىڭ جəنە ورتالىق باقىلاۋ-تەكسەرۋ كوميسسياسىنىڭ مۇشەلەرى سايلاناتىن بولادى. سەزد جۇمىسىنا 2 مىڭعا جۋىق ادام قاتىسۋدا. ولاردىڭ 1200-ءى ەلىمىزدىڭ بارلىق وڭىرلەرىنەن كەلگەن دەلەگاتتار, ال قالعان 800-گە جۋىعى – قوناقتار.
ايتا كەتسەك, كەشە پارتيا توراعاسىنىڭ ءبىرىنشى ورىنباسارى ماۋلەن اشىمباەۆتىڭ توراعالىعىمەن پارتيا ساياسي كەڭەسىنىڭ وتىرىسى وتكەن بولاتىن.
وعان ساياسي كەڭەس مۇشەلەرى, سونىڭ ىشىندە قر پارلامەنتىنىڭ دەپۋتاتتارى, اتقارۋشى مەملەكەتتىك ورگانداردىڭ جانە ۇكىمەتتىك ەمەس ۇيىمداردىڭ باسشىلارى, كاسىپكەرلەر, دارىگەرلەر, ءبىلىم, مادەنيەت, سپورت سالاسىنىڭ وكىلدەرى, قازاقستان حالقى اسسامبلەياسىنىڭ مۇشەلەرى جانە تاعى باسقالار قاتىستى.
كەڭەس وتىرىسىندا «نۇر وتان» پارتياسىنىڭ 2030 جىلعا دەيىنگى «باقۋاتتى قوعام: ونجىلدىقتىڭ 10 ماقساتى» اتتى جاڭا باعدارلاما جوباسى تالقىلاندى.
