– ەلباسىنىڭ «نۇر وتان» پارتياسىنىڭ سەزىندە سويلەگەن ءسوزىن وتانداستارىم الەۋمەتتىك جەلىلەردە قۋانا ءبولىسىپ جاتقاندا, مەنىڭ دە توبەم كوككە جەتكەندەي بولدى. سولاردىڭ ىشىندە, اسىرەسە, كوپبالالى وتباسىلارعا دەگەن جەڭىلدىكتەردىڭ كوبەيگەنى, شىنىمەن دە, مەملەكەت تاراپىنان جاسالعان ۇلكەن يگىلىك بولعانى داۋسىز. اقش-قا العاش كەلگەنىمدە مۇنداعى الەۋمەتتىك جاعدايدى ءوز ەلىمدەگىمەن ءجيى سالىستىرىپ جۇرەتىنمىن. سول كەزدە كوپ بالاسى بار وتباسىلارعا كورسەتىلەتىن كومەكتەرىنە قاتتى قىزىعۋشى ەدىم. ماسەلەن, ءبىر امەريكالىق جانۇيادا بەس نەمەسە ودان كوپ بالا بولسا, ولارعا اي سايىن ۇكىمەت قۇنى 800 اقش دوللارىمەن پارا-پار فۋدستەمپ, ياعني تاماق الۋعا تالون سىيلايدى. بۇل سوما وتباسىنىڭ جاقسى تاماقتانۋى ءۇشىن تولىققاندى جەتكىلىكتى. ەندى ءبىزدىڭ قازاقستاندا دا ماتەريالدىق جاعىنان از قامتىلعان كوپبالالى وتباسىلاردىڭ ءار بالاسىنا 21 مىڭ تەڭگەدەي جاردەماقى تولەنەتىن بولسا, بارلىق ءبۇلدىرشىننىڭ تاماعى توق, كيىمى ءبۇتىن بولاتىنى ءسوزسىز.
تولعاناي بايىسبەكوۆا,
حالىقارالىق «بولاشاق»
ستيپەندياسىنىڭ يەگەرى,
وڭتۇستىك كاليفورنيا
ۋنيۆەرسيتەتىنىڭ ستۋدەنتى
