– پارتيانىڭ 20 جىلدىق مەرەيتويىمەن قاتار كەلگەن «نۇر وتان» پارتياسىنىڭ كەزەكتى XVIII سەزىندە نۇرسۇلتان نازارباەۆ بۇكىل حالقىمىزدىڭ ەرەن ەڭبەگىنىڭ, ىنتىماعىنىڭ ارقاسىندا قول جەتكەن جەتىستىكتەرگە توقتالىپ, حالىققا العىسىن ءبىلدىردى. وسى جىلدارى قازاقستاندا الەۋمەتتىك ماڭىزى زور جاڭا ينفراقۇرىلىمدى قالىپتاستىرۋعا كوپ ءمان بەرىلگەنىن اتاپ ءوتتى. جاڭا مەكتەپتەر مەن مەكتەپ جاسىنا دەيىنگى مەكەمەلەردى ايتپاعاندا, 1400 زاماناۋي اۋرۋحانا, ەمحانالار مەن امبۋلاتوريالار سالىنعان.
ەلباسىنىڭ «مەن حالىقتىڭ بولاشاقتا ەمەس, قازىر باقىتتى بولعانىن قالايمىن» دەگەن ءسوزى سايلاۋشىلاردىڭ اسىل مۇراتىمەن ۇندەسىپ جاتقانداي اسەر الدىم. پرەزيدەنت: «ەلىمىزدىڭ ءاربىر تۇرعىنى ءبىلىمدى بولۋمەن قاتار دەنى ساۋ بولۋى ءتيىس. تۇرعىلىقتى جەرىنە قاراماستان, ساپالى دەنساۋلىق ساقتاۋعا قولجەتىمدىلىكتى قامتاماسىز ەتۋ قاجەت. وتاندىق مەديتسينا ەڭ الدىمەن الدىن الۋعا جانە سالاۋاتتى ءومىر سالتىن ىنتالاندىرۋعا باعىتتالۋى ءتيىس. قوعامدىق دەنساۋلىق ساقتاۋ, العاشقى مەديتسينالىق-سانيتارلىق كومەك قىزمەتتەرىنىڭ شىعىستارى دەنساۋلىق ساقتاۋدىڭ جالپى قارجىلاندىرىلۋىنىڭ 40 پايىزىنان 60 پايىزعا دەيىن ارتتىرىلۋى قاجەت» دەدى.
ەلوردا مەديتسينا سالاسىنىڭ وكىلى رەتىندە بۇل قادامنىڭ ارتىندا دەنساۋلىق ساقتاۋ سالاسىنىڭ جاڭا تىنىسى اشىلادى دەپ ويلايمىن. قارجىلاندىرۋ قاجەت دەپ تابىلعان العاشقى مەديتسينالىق-سانيتارلىق كومەك قىزمەت وسى كۇنى دە كورسەتىلىپ كەلەدى. تەك قانا فەرتيلدى جاستاعى ايەلدەردىڭ جاعدايىنان باسقا, اياعى اۋىر ايەلدەرگە تەگىن مەديتسينالىق كومەك كورسەتىلۋى – وسىنىڭ بەلگىسى. الداعى ۋاقىتتا بۇل قىزمەتتىڭ ساپاسى ارتاتىن بولادى دەپ سەنەمىن.
مەملەكەت باسشىسى: «مۇنى بۇرىننان ايتىپ كەلەمىز. مەديتسينانى ادامعا ءبىر قادام جەرگە دەيىن جاقىنداتۋ قاجەت. بۇل – وتە ماڭىزدى ماسەلە. سول سەبەپتى دەنساۋلىق ساقتاۋدىڭ وسى مىندەتتەرىن جۇزەگە اسىرۋ ءۇشىن شامامەن 120 ملرد تەڭگە ءبولۋدى تاپسىرامىن. مەن ايتقان تاپسىرمالار ورىندالسا, وندا ناتيجەسىندە جىلىنا شامامەن 100 مىڭ پاتسيەنتى بار 7 وڭىردەگى ستاتسيونارلىق-مەديتسينالىق كومەك ساپاسى جاقساراتىن بولادى» دەدى. راسىندا, استاناعا كەلىپ ەمدەلىپ جاتقان ءاربىر بەسىنشى ناۋقاس ەلىمىزدىڭ وزگە ايماقتارىنان كەلەدى. بۇل كوپتەگەن قيىندىقتاردى تۋىنداتادى. ەگەر دە تەك قانا ەلوردامىزدا ەمەس, بارلىق جەردەگى مەديتسينا مەكەمەلەرىنىڭ بازاسى نىعايىپ, كاسىبي بىلىكتى ماماندارى جەتىلىپ جاتسا, كوپ وزگەرىستەر بولىپ, ەلوردا مەديتسيناسىنىڭ اۆانگاردتىق جاۋاپكەرشىلىگى ءبىراز جەڭىلدەر ەدى. ەلباسى ءوز سوزىندە وسىنى ەسكەرىپ, نەگىزگى باعىتتى ايقىنداعان.
شۇعىلاجان ەسىمباەۆا,
استانا قالاسى, №2 پەريناتالدىق
ورتالىعى باس دارىگەرىنىڭ ورىنباسارى
