بۇگىن «نۇر وتان» پارتياسىنىڭ ءحVىىى سەزى دە ءوتتى. سەزد كۇتكەن ۇمىتتەردى اقتادى دەپ ايتۋعا بولادى.
ويتكەنى وندا الەۋمەتتىك ماسەلەلەرگە ەرەكشە كوڭىل ءبولىنىپ, ۇكىمەتكە ناقتى تاپسىرمالار بەرىلدى.
كوپبالالى, از قامتىلعان, تابىسى تومەن وتباسىلار مەن مۇمكىندىگى شەكتەۋلى تۇرعىندار ءۇشىن ەڭ كەرەگى, ماڭىزدىسى – باسپانا مەن جاردەماقى. ەلباسى كوپ بالالى انالاردىڭ جاردەماقىسىن 21 مىڭعا دەيىن كوتەرۋدى تاپسىردى. بۇل الەۋمەتتىك جاعدايى تومەن وتباسىلارعا بەلگىلى ءبىر دارەجەدە كومەك بولادى دەپ ويلايمىز.
بيۋدجەت قىزمەتكەرلەرى ءۇشىن كەرەگىسى – جوعارى جالاقى. «جىرتىعىن جاماۋ ءۇشىن» ەمەس, 1 اي ۋايىمسىز ءومىر سۇرەتىن جالاقى. بۇل دا ەسكەرىلىپ, جالاقىسى تومەن ازاماتتارعا 30%-عا ارتاتىن بولدى.
تۇرعىن ءۇي – وتكىر پروبلەمالاردىڭ ءبىرى. پرەزيدەنت تۇرعىنداردىڭ وسال توپتارى ءۇشىن جالعا بەرىلەتىن پاتەرلەردى جانە شامامەن 2-3% تومەن پايىز كولەمىمەن ساتىپ الىناتىن پاتەرلەردى قاراستىرۋدى تاپسىردى. بۇل دا .
گازداندىرۋ, ەلەكترمەن جابدىقتاۋ, سۋمەن جابدىقتاۋ, جولداردى جوندەۋ ءۇشىن قوسىمشا قاراجات وڭىرلەر ءۇشىن عانا ەمەس, استانا ءۇشىن دە قاجەت. ويتكەنى قىستا استانادا جەكە سەكتوردىڭ ەسەبىنەن قالا كوك تۇتىنگە ورانادى ەمەس پە؟
ۋادە ەتكەندەي, الەۋمەتتىك سالاعا ەرەكشە كوڭىل ءبولدى. بۇگىنگى تاپسىرمالار ءومىر ءسۇرۋ ساپاسىن ارتتىرۋعا ىقپال ەتەتىن بولادى.
كوپتەگەن جىلدار بويى قوردالانىپ قالعان وزەكتى ماسەلەلەردىڭ شەشىمى تابىلادى دەگەن سەنىمدەمىن. پرەزيدەت كۇن تارتىبىنە قويعان ءتۇيىندى ماسەلەنىڭ بارلىعى حالىقتىڭ قاجەتتىلىگىنەن, سۇراۋىنان تۋىنداپ وتىرعانى بەلگىلى. بۇل جەردە ەشتەڭە ونىڭ نازارىنان تىس قالمايتىنىن اتاپ وتكەن ءجون.
ءتابيا جانمۇرزينا,
«ءىلتيپات» قوعامدىق
بىرلەستىگىنىڭ باسشىسى
