جاستارعا وتان الدىنداعى پارىزدىڭ پارقىن جەتە ءتۇسىندىرىپ, ەلجاندىلىققا تاربيەلەۋدە «جاس سارباز» اسكەري-پاتريوتتىق قوزعالىسى ايرىقشا اتالادى. بۇگىندە ەلىمىزدىڭ ءار ايماعىندا ەلى مەن جەرىنە ادال قىزمەت ەتەر 300 مىڭعا تارتا پاتريوت ۇلان ءوسىپ كەلەدى. ال استاناداعى قوزعالىس 10 مىڭعا جۋىق جىگەرلى جاستى بىرىكتىردى.
وتپەلى شاقتا كوپ وقۋشى نە ىستەرىن, قايدا بارارىن بىلمەي جۇرگەندە, «جاس سارباز» ۇيىمى ولارعا دۇرىس باعىت-باعدار بەرەر جول نۇسقاۋشىعا اينالعان. 2018 جىلى قۇرىلعان اسكەري-پاتريوتتىق قوزعالىستىڭ تيىمدىلىگى ايقىن, ناتيجەسى جوق ەمەس. نەگىزگى يدەيا – مەكتەپ قابىرعاسىندا ءجۇرىپ-اق جاسوسپىرىمدەردىڭ بويىندا وتانشىلدىق سەزىمدى قالىپتاستىرىپ, پاتريوتتىق رۋحتا تاربيە بەرۋ.
باس قالانىڭ مەكتەپتەرى مەن كوللەدجدەرىندە «جاس سارباز» سىنىپتارى مەن كلۋبتارى قۇرىلىپ, قارقىندى تۇردە جۇمىس ىستەيدى. قالا بويىنشا تاربيەلەنۋشىلەرگە ارنايى كۋالىك تابىستالادى. ونىڭ ارتىقشىلىعى دا بار. كۋالىك مەكتەپ بىتىرگەن سوڭ اسكەري وقۋ ورنىنا تۇسۋگە جەڭىلدىك بەرەدى. اسكەري وقۋ ورنىنا تۇسەمىن دەگەن بالانىڭ وقۋ ورنىنا حات جىبەرىلىپ, ونىڭ «جاس سارباز» بولعانى راستالادى. قاتارعا قوسىلۋ ءۇشىن نەگىزگى تالاپ – ءبىلىمدى بولۋ. سونداي-اق وقۋشىلار فيزيكالىق دايىندىقتان سۇرىنبەي ءوتىپ, پسيحولوگيالىق تۇرعىدان دا شىڭدالعان بولۋى شارت. ياعني قوزعالىسقا ىرىكتەۋ ارقىلى ۇزدىكتەر قابىلدانادى.
«جاس سارباز» قوزعالىسىنىڭ باعدارلاماسى الۋان ءتۇرلى. اسكەري-پاتريوتتىق قوزعالىستا جاستار ءۇشىن باسىمدىقتىڭ ءبىرى زاماناۋي تەحنولوگيالارعا نەگىزدەلىپ, روبوتوتەحنيكانىڭ قىر-سىرىن ۇيرەتەتىن «Smart sarbaz» سىنىبىنا بەرىلەدى. ۇيىرمە بولاشاق اسكەري ينجەنەرلەردى, IT-مامانداردى, روبوتوتەحنيكتەردى وسىرەدى. مۇندا جاستار, پاتريوتتىق ءىس-شارالاردان بولەك, جاڭا يننوۆاتسيالاردى يگەرىپ, وزدەرىنىڭ تەحنيكالىق يدەيالارىن ىسكە اسىرادى. وقۋشىلاردىڭ لوگيكالىق ويلاۋ قابىلەتىن دامىتۋدا ينتەللەكتۋالدى سايىستار ءوتىپ تۇرادى.
«اسكەري-پاتريوتتىق قوزعالىستىڭ تاربيەلەنۋشىلەرى جىلدا مەكتەپ باعدارلاماسىمەن قاتار «جاس سارباز» اسكەري-پاتريوتتىق ادىستەمەلىك وقۋ كىتاپشاسىمەن ءبىلىم الادى. قازىردە بۇل وقۋلىقتى ودان ءارى جەتىلدىرىپ, ءار ءوڭىر جاستارىنا قولجەتىمدى بولۋ ءۇشىن جۇمىس اتقارۋدامىز. قوزعالىستىڭ بەلسەندىلىگىن ارتتىرۋ ماقساتىندا الەۋمەتتىك جەلىلەردەگى پاراقشالاردى جان-جاقتى دامىتىپ, وسى ارقىلى كورشى مەملەكەتتەر قىزىعۋشىلىق تانىتۋ ۇستىندە.
رەسپۋبليكانىڭ ءار ايماعىندا ەرلىك ساباقتارى مەن اسكەري-پاتريوتتىق دالا جيىندارى وتسە, ەلوردادا بۇل ءىس-شارالار جاقىندا دەسانتتىق شابۋىل بريگاداسىندا ۇيىمداستىرىلادى, كەيىن ۇزدىك جاسوسپىرىمدەر رەسپۋبليكالىق «ايبىن» جيىنىنا جولداما الادى. بيىل «ايبىن» جىل سايىنعى رەسپۋبليكالىق اسكەري-پاتريوتتىق جاستار جيىنى الماتى قالاسىندا وتەدى. اتالمىش جيىندا 8 مەملەكەتتىڭ جاستارى باق سىنايدى. مەملەكەت باسشىسى قاسىم-جومارت توقاەۆ تا قاتىسىپ, «جاس سارباز» قوزعالىسىنا قولداۋ بىلدىرمەك. وسىلايشا وسكەلەڭ جاس ۇرپاققا سانالى تاربيە بەرىپ, ەلدىڭ پاتريوتى بولۋ جولىندا جۇمىستار قارقىندى تۇردە جۇزەگە اسادى. اسكەر تۋرالى قازىردە الەۋمەتتىك جەلىدە تارالعان كەيبىر اقپارات جاستاردىڭ ساناسىنا كەرى اسەر ەتەتىنى راس. دەسە دە كەيىنگى جاس بۋىننىڭ اسكەرگە دەگەن كوزقاراسى باسقا. «جاس سارباز» تاربيەلەنۋشىلەرى بۇل سالاعا ءوز قالاۋىمەن بارىپ ءجۇر. باۋىرجان مومىشۇلى ايتقانداي: «ەشكىم ىشتەن باتىر بولىپ تۋمايدى, باتىرلىق تا مىنەز سەكىلدى وسكەن ورتا, كورگەن تاربيەگە بايلانىستى قالىپتاسادى». «جاس سارباز» قاتارىندا تاربيەلەنىپ جاتقان وقۋشىلاردان ءالى تالاي جىگەرلى جاس شىعاتىنىنا سەنىم مول» دەدى ءوز سوزىندە «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگى استانا قالالىق فيليالىنىڭ توراعاسى اسحات نالشىبەك.
اسكەري-پاتريوتتىق قوزعالىس قاتارىنداعى قىز بالالار سانى ۇلداردان ەش كەم ەمەس. سولاردىڭ ءبىرى – ەلورداداعى №8 مەكتەپ-ليتسەيدىڭ 11-سىنىپ وقۋشىسى جانە «جاس ساربازدىڭ» تاربيەلەنۋشىسى اياۋلىم ومىرزاقوۆا. ونىڭ ايتۋىنشا, بۇل ۇيىم – جاستاردىڭ بوس ۋاقىتىن ءتيىمدى ۇيلەستىرەتىن ءارى اسكەري ومىرگە دايىندايتىن ۇلكەن مەكتەپ.
«جاس سارباز» قوزعالىسى ءاربىر ءجاسوسپىرىمنىڭ پاتريوتتىق سەزىمىن ارتتىرۋعا, بالالاردىڭ دارىنىن شىڭداۋعا باعىتتالادى. بۇل ۇيىمعا 9-سىنىپتا قابىلداندىم. وسى ۋاقىتتا ءبىز العاشقى اسكەري دايىندىق ءپانىن مەڭگەرىپ, ساپتىق دايىندىق, اۆتوماتتى ۋاقىتقا شاشىپ-جيناۋدى ۇيرەندىك. اسكەري ءىس-شارالاردان قاپى قالماي, «جاس سارباز» دەگەن اتىمىزعا لايىق بولۋدى ماقسات ەتەمىز. جان-جاقتى, ءار سالاعا يكەمدى بولۋدا جانە جاڭا ورتا تابۋدا وسى ۇيىمنىڭ قوسقان ۇلەسى كوپ» دەيدى تاربيەلەنۋشى
