ەلوردانىڭ ەسىل اۋدانىنداعى بەلسەندى ۇزاق ءومىر ءسۇرۋ ورتالىعىندا قالا كاسىپكەرلەرىنىڭ دەمەۋشىلىگىمەن انالار كۇنى مەرەكەسى اتاپ ءوتىلدى. جيىندا انالار مەرەكەسىنىڭ ءمان-ماڭىزى اڭگىمە وزەگىنە اينالدى, دەكپ حابارلايدى astana-akshamy.kz .
ورتالىق قىزمەتكەرلەرى «باتىر انا», «التىن القا» جانە «كۇمىس القا» يەگەرلەرىنە قۇرمەت كورسەتىپ, ولاردىڭ ۇرپاق تاربيەسى مەن ۇلت بولاشاعىنا قوسقان ۇلەسىن اتاپ ءوتتى. مەرەكەلىك ءىس-شارا «انالار الەمى» اتتى سۋرەت كورمەسىمەن اشىلدى. جينالعاندارعا «قولونەر-توقىما» اتتى شەبەرلىك ساباعى وتكىزىلدى.
ورتالىقتىڭ كوركەمونەرپازدارى دايارلاعان كونتسەرتتە شىرقالعان بارلىق اندەر انا تاقىرىبىنا ارنالدى. قالا زەينەتكەرلەرىنەن قۇرالعان «اسىل مۇرا» دومبىراشىلار وركەسترى, «ۆەتەرانى» حورى مەن «ساعىنىش سازى» ءانسامبلى, باسقا دا ونەرپازدار ونەرلەرىن ورتاعا سالدى.
