جۇمىس بەرۋشىسىنىڭ وفيسىنەن قوماقتى سومادا اقشا ۇرلاعان استانالىق جىگىت ۇستالدى, دەپ حابارلايدى astana-akshamy.kz
الماتى اۋدانى پب كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا ۇرلىق جاسادى دەگەن كۇدىكپەن 23 جاستاعى استانا قالاسىنىڭ تۋماسىن انىقتادى.
تەرگەۋ بارىسىندا جىگىت جابىرلەنۋشىنىڭ جۇرگىزۋشىسى بولىپ جۇمىس ىستەيتىنى بەلگىلى بولدى. مىندەتتەرىن اتقارىپ ءجۇرىپ ول جۇمىس بەرۋشىسىنىڭ وفيسىندە قوماقتى سومادا اقشا بارىن ءبىلىپ العان.
جابىرلەنۋشى وتباسىمەن شەتەلگە كەتكەن كەزدە قاسكۇنەم ءوفيستىڭ قۇلپىن بۇزىپ, ىشىنەن 25 مىڭ اقش دوللارىن جانە 2,5 ملن تەڭگەنى جىمقىرىپ كەتكەن. جىگىت ۇرلانعان اقشانىڭ جارتىسىن ءوز كەرەگىنە جۇمساپ, قالعانىن ءباس تىگۋگە قويىپ, ۇتىلىپ قالعان.
اتالعان فاكتىگە قاتىستى ۇرلىق بويىنشا سوتقا دەيىنگى تەرگەۋ امالدارى جۇرگىزىلىپ جاتىر. جىگىتتىڭ ەلوردا اۋماعىندا جاسالعان باسقا دا قىلمىستارعا قاتىسى بار-جوعى تەكسەرىلىپ جاتىر.
استانا قالاسى پوليتسيا دەپارتامەنتى ازاماتتارعا قىراعى بولۋعا, باعالى زاتتاردى قاراۋسىز قالدىرماۋعا كەڭەس بەرەدى.
