دامۋدىڭ جاڭا كەزەڭىنە قادام باسىپ جاتقان قازاقستاندا باسىم باعىتتىڭ ءبىرى – مەملەكەتتىك قىزمەت جۇيەسىن جاڭعىرتۋ. مەملەكەت باسشىسى قاسىم-جومارت توقاەۆ ءوزىنىڭ جولداۋىندا مەملەكەتتىك قىزمەت ىستەرى اگەنتتىگىنىڭ تولىققاندى ستراتەگيالىق HR ينستيتۋتىنا اينالدىرۋدى باستى باعدار ەتىپ انىقتاپ بەرگەن بولاتىن.
مەملەكەت باسشىسىنىڭ تاپسىرماسىنا سايكەس, مەملەكەتتىك قىزمەتكە ىرىكتەۋ مەن قابىلداۋ پروتسەسىن تولىق تسيفرلاندىرۋ جانە ودان شىعۋ راسىمدەرىن جەڭىلدەتۋ, بيۋروكراتياعا جول بەرمەۋ, مەريتوكراتيا قاعيداتىن ىلگەرىلەتۋگە قاتىستى ماسەلەلەر زەردەلەنىپ, ۇسىنىستار قابىلدانعان بولاتىن.
وسى تۇستا, 2023 جىلدىڭ 1 ناۋرىزىنان باستاپ «ە-قىزمەت» اقپاراتتىق جۇيەسىندە مەملەكەتتىك قىزمەتكە ىرىكتەۋدىڭ قاناتقاقتى جوباسى ىسكە قوسىلدى. وتكەن جىلى جوبا مەملەكەتتىك قىزمەت ىستەرى اگەنتتىگى, اقمولا وبلىسى مەن شىمكەنت قالاسى اكىمدىكتەرى, يندۋستريا جانە ينفراقۇرىلىمدىق دامۋ, ساۋدا جانە ينتەگراتسيا مينيسترلىكتەرىندە جۇرگىزىلدى.
ال 2024 جىلدىڭ اقپان ايىنان باستاپ استانا جانە شىمكەنت قالالارىنىڭ, اقمولا, پاۆلودار جانە قاراعاندى وبلىستارىنىڭ جەرگىلىكتى اتقارۋشى ورگاندارى, ءماسليحاتتارى, تەكسەرۋ كوميسسيالارى, قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگى, قازاقستان رەسپۋبليكاسىنىڭ كولىك مينيسترلىگى, قازاقستان رەسپۋبليكاسىنىڭ ونەركاسىپ جانە قۇرىلىس مينيسترلىگى, قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى, قازاقستان رەسپۋبليكاسىنىڭ تۋريزم جانە سپورت مينيسترلىگى, قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگى قاناتقاقتى جوباعا ەندى.
جاڭا ىرىكتەۋ جۇيەسىنە سايكەس, مەملەكەتتىك قىزمەتكە ورنالاسۋعا ۇمىتكەرلەر «ە-قىزمەت» اقپاراتتىق جۇيەسىندە ءتورت زاڭ بويىنشا زاڭنامانى, اتاپ ايتقاندا قازاقستان رەسپۋبليكاسىنىڭ كونستيتۋتسياسى, مەملەكەتتىك قىزمەت تۋرالى, سىبايلاس جەمقورلىققا قارسى ءىس-قيمىل تۋرالى زاڭدارى مەن مەملەكەتتىك قىزمەتشىلەردىڭ ادەپ كودەكسى جانە مەملەكەتتىك ءتىلدى بىلۋگە تەستىلەۋدەن 24/7 بويى وتە الادى. تەستىلەۋدەن ءساتتى وتكەن ۇمىتكەرلەر جۇيەدەگى كونكۋرستارعا قاتىسۋعا ءوتىنىم بەرەدى.
كونكۋرستىڭ ىرىكتەۋ كەزەڭى – جەكە قاسيەتتەرى مەن ۇمىتكەرلەردىڭ ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋدى جانە ساراپشىلار كوميسسياسىمەن اڭگىمەلەسۋدى قامتيدى.
تەستىلەۋ ۋاقىتىندا ۇمىتكەردىڭ ءتارتىپتى ساقتاۋىن پروكتورينگ جۇيەسى قامتاماسىز ەتەدى.
ىرىكتەۋ كەزەڭدەرىندە ەڭ تومەن بالل جيناعان ۇمىتكەرلەردى جاڭا جۇيە اۆتوماتتى تۇردە كەزەڭ-كەزەڭىمەن الىپ تاستاۋ ارقىلى, ۇزدىك ءۇش ۇمىتكەردىڭ پيلوتتىق ورگاننىڭ ساراپشىلار كوميسسياسىندا اڭگىمەلەسۋ كەزەڭىنە جىبەرەدى.
بۇل جوبا كونكۋرستاردان ءوتۋ كەزەڭىندە ادامي فاكتورلاردىڭ اسەرىن تولىعىمەن الىپ تاستايدى. ىرىكتەۋدەن ءوتۋ كەزىندە يەسىزدەندىرۋ جانە انونيمدىلىكتى قامتاماسىز ەتۋ ءۇشىن جۇيە ۇمىتكەرلەرگە سايكەستەندىرۋ ID نومىرلەرىن بەرەدى.
ناتيجەسىندە قاناتقاقتى جوبادا كونكۋرس جەڭىمپازى كوميسسيانىڭ شەشىمىمەن ەمەس, سايكەسىنشە بارلىق كەزەڭدەردە جيناعان باللدارىنىڭ قورىتىندىسى بويىنشا جۇيەمەن اۆتوماتتى تۇردە انىقتالاتىن بولادى.
بۇگىنگى كۇنى ىرىكتەۋدىڭ جاڭا جۇيەسى بويىنشا كونكۋرسقا قاتىسقان ۇمىتكەرلەردىڭ ون ءبىر مىڭنان استامى جەڭىمپاز اتاندى.
وسى تۇستا, مەملەكەتتىك قىزمەت ىستەرى اگەنتتىگىنىڭ بارلىق باستامالارى مەملەكەت باسشىسىنىڭ مەملەكەتتىك اپپاراتتىڭ ادامعا باعدارلانعان جانە سەرۆيستىك مودەلىن قالىپتاستىرۋ بويىنشا قويعان مىندەتتەرىن جۇزەگە اسىرۋعا باعىتتالعاندىعىن اتاپ وتكىم كەلەدى.
بۇل حالىق ۇنىنە قۇلاق اسىپ, جۇرتشىلىقتىڭ تالاپ-تىلەگىن ەسكەرىپ, قوعامنىڭ سۇرانىسىنا تولىققاندى جاۋاپ بەرە الاتىن اشىق, كاسىبي مەملەكەتتىك اپپاراتتى قالىپتاستىرۋدىڭ نەگىزگى باستاماسى.
اينۋر اكۋپوۆا,
مەملەكەتتىك قىزمەت ىستەرى اگەنتتىگى
استانا قالاسى بويىنشا دەپارتامەنتىنىڭ
مەملەكەتتىك قىزمەت باسقارماسىنىڭ باس مامانى
