استانادا تىلدەردى دامىتۋعا قوسىمشا 103 ملن تەڭگە ءبولىندى, دەپ حابارلايدى astana-akshamy.kz
استانا قالاسى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى قايسار ماڭقاراەۆ قازاق جانە باسقا دا تىلدەردى دامىتۋعا قوسىمشا قاراجات بولىنگەنىن ايتتى.
«دەنە شىنىقتىرۋ جانە سپورت باسقارماسىنا رەسپۋبليكالىق جانە حالىقارالىق جارىستارعا قۇراما كوماندالاردى دايارلاۋعا جانە قاتىسۋعا, جان باسىنا شاققانداعى قارجىلاندىرۋعا مەملەكەتتىك الەۋمەتتىك تاپسىرىسقا, جاسوسپىرىمدەرگە ارنالعان سپورت مەكتەپتەرىنە جابدىق ساتىپ الۋعا جالپى سوماسى 3 ملرد 667 ملن تەڭگە قاراجات ءبولۋ كوزدەلىپ وتىر», – دەدى قايسار ماڭقاراەۆ قوعامدىق كەڭەس وتىرىسىندا.
سونداي-اق, باسقارما باسشىسى تىلدەردى دامىتۋ جانە ارحيۆ ىستەرى باسقارماسىنا مەملەكەتتىك ءتىلدى جانە باسقا دا تىلدەردى دامىتۋعا قوسىمشا 103 ملن تەڭگە بولىنگەنىن ايتتى.
«سونىمەن قاتار كولىك جانە جول كولىك ينفراقۇرىلىمىن دامىتۋ باسقارماسىنا, كولىك ينفراقۇرىلىمىن دامىتۋعا جانە قوعامدىق كولىك تاسىمالداۋشىلارىنىڭ شىعىستارىن سۋبسيديالاۋعا قوسىمشا 25 ملرد تەڭگە قاراجات ءبولۋ ۇسىنىلىپ وتىر. كوممۋنالدىق شارۋاشىلىق باسقارماسىنا نوسەر كارىزدەرىنىڭ كۇتىمىنە, ونى تازارتۋعا «استانا سۋ ارناسى» اتموسفەرالىق جەرۇستى اعىندارىن جىبەرۋ مەن تازارتۋعا, سۋمەن جابدىقتاۋ جانە سۋ بۇرۋ جۇيەسىن دامىتۋعا قوسىمشا 14 ملرد 254 ملن تەڭگە قاراجات ءبولۋ سۇرالادى», – دەيدى ق. ماڭقاراەۆ.
