استانادان اۋىلعا دەيىن…
تۇركىستان وبلىسى
ەلباسىنىڭ تاپسىرماسى اياسىندا رەسپۋبليكانىڭ ءاربىر وبلىسى تۇركىستان قالاسىنا ءبىر عيماراتتان تارتۋ ەتەدى. ماسەلەن, استانا اكىمى اسەت يسەكەشەۆ «استانا» ساياباعىن سالۋ تۋرالى ۇسىنىس ءبىلدىرىپتى. وبلىس اكىمى جانسەيىت تۇيمەباەۆتىڭ ايتۋىنشا تۇرعىزىلاتىن بارلىق نىساندار قوجا احمەت ياساۋي كەسەنەسىنىڭ بيىكتىگىنەن اسپاۋى كەرەك.
قاراعاندى وبلىسى
ۇلىتاۋدا «جەزكيىك» فەستيۆالى باستالدى. شاراعا 11 مۋزىكالىق ۇجىم, 92 قاتىسۋشى كەلگەن. ولاردىڭ ونەرىن تاماشالاۋعا 6 مىڭعا جۋىق كورەرمەن جينالادى دەپ جوسپارلانۋدا.
اقتوبە وبلىسى
اقتوبەدە ءتورتىنشى مۇناي وڭدەۋ زاۋىتى سالىنۋى مۇمكىن. وبلىس اكىمى بەردىبەك ساپارباەۆ قر ەنەرگەتيكا مينيسترلىگىنە وسىنداي ۇسىنىس جولدادى.
الماتى
الماتىدا جۇزدەگەن كوشەنىڭ اتى وزگەرمەك. قالا اكىمدىگى الاتاۋ جانە بوستاندىق اۋدانىنداعى ءبىرقاتار كوشەلەردىڭ اتاۋىن وزگەرتۋ تۋرالى قاۋلىنى قوعامدىق تالقىلاۋعا شىعاردى.
شىمكەنت
شىمكەنت قالاسىنىڭ اۆتوكولىكتەرىنە «17» مەملەكەتتىك ءنومىرى بەرىلىپ, جۇرگىزۋشى كۋالىكتەرىنە «Y» ليتەرى باسىلادى. تۇركىستان وبلىسى «ح» تاڭباسىمەن «13» نومىرىندە قالادى. اتالمىش بۇيرىق 24 شىلدە كۇنى كۇشىنە ەنەدى.
قىزىلوردا وبلىسى
قامباش كولىندە ارال بالىقشىلارىنىڭ IV سلەتى ءوتتى. داستۇرگە اينالعان شاراعا وبلىس اكىمى قىرىمبەك كوشەرباەۆ, قر اۋىل شارۋاشىلىعى مينيسترلىگىنىڭ وكىلدەرى مەن قوعام قايراتكەرلەرى قاتىستى.
سولتۇستىك قازاقستان وبلىسى
كريمينالدىق پوليتسيا باسقارماسىنىڭ مالىمەتىنشە, وبلىستا كەشەندى جۇمىس ناتيجەسىندە ينتەرنەت-قاراقشىلاردىڭ قىلمىسى 16 پايىزعا تومەندەگەن. پوليتسەيلەر الداعى جىلدىڭ قاڭتارىنان باستاپ ۇيالى تەلەفونداردى مىندەتتى تىركەۋ ىسكە اساتىن بولسا, بۇدان دا ۇلكەن ناتيجەگە جەتۋگە بولاتىنىن مالىمدەدى.