استانا
ەلوردادا «اسىل انا» رەسپۋبليكالىق فەستيۆالى ءوتتى. 150-گە جۋىق ايەل قاتىسقان شارادا ءتۇرلى سالا بويىنشا ۇزدىكتەر انىقتالدى.
پاۆلودار وبلىسى
باياناۋىل اۋدانىنىڭ ءۇش اۋىلىنا قانىش ساتباەۆ, مۇسا شورمانوۆ جانە ءماشھۇر ءجۇسىپ ەسىمدەرى بەرىلدى.
قاراعاندى وبلىسى
وڭىردە گاللۋازيتتى نانوتۇتىكشەلەردەن تۇراتىن انتيكورروزيالىق جابىندار شىعاراتىن ءوندىرىس ورنى اشىلادى. اتالعان جوبانى ايماقتاعى ماشينا جاساۋ زاۋىتى ساپالى مەتالل جاساۋ ءۇشىن قولدانىسقا ەنگىزەدى.
تۇركىستان وبلىسى
ورداباسى اۋدانىندا حالىقتىڭ 6,9 پايىزى عانا كوگىلدىر وتىنمەن قامتىلعان. بەينەۋ-بوزوي-اقبۇلاق گاز ماگيسترالى وتەتىن اۋدانداعى 57 اۋىلدىڭ بەس-التاۋىنا عانا گاز تارتىلعان. اۋداندى گازبەن تولىعىمەن قامتۋ جۇمىستارى 2021 جىلى اياقتالادى.
جامبىل وبلىسى
بايزاق اۋدانىنىڭ ءتورت ەلدى مەكەنىندە ورتالىقتاندىرىلعان تازا اۋىزسۋ جۇيەسىنىڭ قۇرىلىسى اياقتالدى. بۇل جۇمىستارعا رەسپۋبليكالىق قازىنادان 1 ميلليارد 400 ميلليون تەڭگە بولىنگەن.
الماتى وبلىسى
ىلە اۋدانىنىڭ اقشي اۋىلىنداعى شيپاجايدا شۇباتپەن ەمدەۋ كۋرسى اشىلدى. مۇندا 15 كۇندىك كۋرس ارقىلى اعزانى تازارتۋ, قالپىنا كەلتىرۋ, يممۋندىق جۇيەنىڭ جۇمىسىن جاقسارتۋ جۇرگىزىلەدى.
شىعىس قازاقستان وبلىسى
سەرەبريانسك قالاسىندا 120 ورىندىق بالاباقشا پايدالانۋعا بەرىلدى. نىسان مەملەكەتتىك-جەكەمەنشىك ارىپتەستىك جوباسى اياسىندا سالىندى.
سولتۇستىك قازاقستان وبلىسى
وڭىرگە بيىل «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى شەڭبەرىندە ءتۇركىستان, جامبىل, قىزىلوردا, الماتى وبلىستارىنان 690 وتباسى قونىس اۋدارادى.
قىزىلوردا وبلىسى
وبلىس ورتالىعىندا «رۋحاني جاڭعىرۋ» ورتالىعى مەن مۋزەي اشىلدى. بۇرىنعى قازاق ورتالىق اتقارۋ كوميتەتى عيماراتىنىڭ سىزباسى نەگىزىندە سالىنعان مۋزەيگە 500-دەن اسا جادىگەر قويىلدى.
