رەسمي ستاتيستيكالىق مالىمەتتەرگە سايكەس, قازاقستان ەلورداسىندا تۋريزم سالاسىندا ەلەۋلى ءوسىم بايقالىپ وتىر.
1998-2016 جىلدار ارالىعىنداعى كەزەڭدە استاناعا جىل سايىن كەلەتىن شەتەلدىكتەردىڭ سانى شامامەن 50 ەسەگە (5,5 مىڭنان 273 مىڭ ادامعا دەيىن), قازاقستان ازاماتتارىنىڭ سانى 43 ەسەگە (12,8 مىڭنان 558 مىڭ ادامعا دەيىن) ارتتى; وسى رەتتە ورنالاستىرۋ ورىندارى كورسەتكەن قىزمەتتەردىڭ كولەمى 91 ەسەگە جىلىنا 200 ملن-نان 18,2 ملرد تەڭگەگە دەيىن ۇلعايعان, دەپ حابارلايدى ەلوردا اكىمدىگى.
استانادا تۋريستىك ينفراقۇرىلىمدى دامىتۋ ماقساتىندا حالىقارالىق اۋەجايدا, تەمىرجول ۆوكزالىندا جانە «حان شاتىر» ساۋدا ورتالىعىندا اقپاراتتىق دۇڭگىرشەكتەردىڭ جۇمىسى جولعا قويىلدى, تۋريستەر ول جەردەن قالانىڭ كارتاسى مەن جولنۇسقاعىشتى تەگىن الا الادى. سونداي-اق, اقپاراتتىق دۇڭگىرشەكتەردىڭ قىزمەتكەرلەرى تۋريستكە ءۇش تىلدە (اعىلشىن, ورىس جانە قازاق تىلدەرى) اقپاراتتىق قولداۋ كورسەتە الادى.
قالادا جول تابۋدى جەڭىلدەتۋ ماقساتىندا 140 جولنۇسقاعىش پەن 100 پيلون ورناتىلۋدا. welcometoastana.kz تۋريستىك ينتەرنەت-پورتالى جانە Astana Guide ۇيالى قوسىمشاسى ىسكە قوسىلدى, تۋريستەرگە ارنالعان رەسمي Z-كارتا مەن قازاق, ورىس جانە اعىلشىن تىلدەرىندە Astana Official Guide جولسىلتەمە-جۋرنالدىڭ العاشقى باسىلىمى باسىپ شىعارىلدى.
سونداي-اق, Hop-on/Hop-off جۇيەسىمەن Astana Sightseeing Tour جۇيەلى ەكسكۋرسيالىق اۆتوبۋستىق باعىتى ىسكە قوسىلدى. باعىت قالانىڭ باستى كورىكتى جەرلەرىمەن وتەدى, جوبا ينۆەستيتسيالىق قارجى ەسەبىنەن جۇزەگە استى. اۆتوبۋستار اۋديوگيدتەرمەن جاراقتالعان, وندا تۋريستەر ءۇشىن ءتورت تىلدە ەكسكۋرسيالار جۇرگىزىلەدى. بۇدان باسقا, قالانىڭ تۋريستىك تارتىمدىلىعىن ارتتىرۋ ءۇشىن نۇرجول بۋلۆارىمەن اۋديوگيدپەن بىرگە جاياۋ سەرۋەندەر ۇيىمداستىرىلدى. جاقىن ۋاقىتتا پايدالانۋشىلارعا قاجەت تىلدە قىزمەت كورسەتۋگە مۇمكىندىك بەرەتىن Friendly Taxi جوباسىن ىسكە اسىرۋ جوسپارلانىپ وتىر.
قىزمەت كورسەتۋ سالاسىنىڭ ساپاسىن جاقسارتۋ ماقساتىمەن استانانىڭ Recommended by EXPO-2017 ارىپتەستىك باعدارلاماسى جۇزەگە اسىرىلۋدا, وعان قوناق ۇيلەر, حوستەلدەر, قوعامدىق تاماقتانۋ نىساندارى, قىزمەت كورسەتۋ كاسىپورىندارى جانە كولىكتى كومپانيالار قاتىسۋدا. باعالاۋ جۇرگىزۋ بارىسىندا كورسەتىلەتىن قىزمەتتەردىڭ ءالسىز جاقتارى انىقتالىپ, ولاردى جاقسارتۋ بويىنشا كەڭەستەر بەرىلەدى.
