الداعى سەنبىدە, ياعني 22 قازان كۇنى ساعات 10.00-دەن باستاپ, «بايتەرەك» مونۋمەنتىنىڭ كولىك تۇراعى الاڭىندا «جولدا قابىلداۋ» اتتى داستۇرلى رەسپۋبليكالىق اكتسياسى وتەدى.
اكتسيانىڭ باستى ماقساتى – حالىققا قۇقىقتىق تاربيە بەرىپ, قالا جولدارىنداعى قاۋىپسىزدىكتى ارتتىرۋ, سونداي-اق, تۇرعىنداردىڭ ساناسىنا ۇساق قۇقىق بۇزۋشىلىققا «مۇلدەم توزبەۋ» قاعيداتىن قالىپتاستىرۋ.
اتالعان اكتسياعا استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتىنىڭ باستىعى باقىتجان مالىباەۆتىڭ ءوزى قاتىسىپ, جۇرتشىلىقتىڭ ساۋالدارىنا جاۋاپ بەرەدى دەپ كۇتىلۋدە. سونىمەن قاتار, استانا قالاسى ءىىد اكىمشىلىك پوليتسيا باسقارماسى قىزمەتكەرلەرى مەن «نۇر وتان» پارتياسىنىڭ وكىلدەرى قاتىسادى.
بۇعان قوسا, سول كۇنى تاڭعى ساعات 10:00-دەن باستاپ «بايتەرەك» مونۋمەنتىنىڭ الدىندا, «رۋبەج» باقىلاۋ بەكەتى جۇيەسىندە, اۆتوبۋس پاركتەرىندە, مامانداندىرىلعان حالىققا قىزمەت كورسەتۋ ورتالىعىندا جول-پاترۋلدىك پوليتسيا قىزمەتكەرلەرى كونستيتۋتسيالىق قۇقىقتىق زاڭدىلىقتى ساقتاۋ بويىنشا ازاماتتار اراسىندا ساۋالناما جۇرگىزەدى.
