جاڭالىقتارمادەنيەت
استانالىقتار تانىمال تۇلعالاردىڭ 40 جۋىق بالاۋىز ءمۇسىنىن تاماشالايدى
ەرتەڭ, 13 شىلدەدە بەيبىتشىلىك جانە كەلىسىم سارايىندا بالاۋىز مۇسىندەر كورمەسى اشىلادى. كورمەگە سانكت-پەتەربۋرگتىك بالاۋىز پورترەت جاساۋ شەبەرلەرىنىڭ 40 جۋىق ءمۇسىنى قويىلادى. اتاقتى بيلەۋشىلەر, تاريحي تۇلعالار, اكتەرلار, مۋلتفيلم كەيىپكەرلەرى – وسى جانە باسقا دا كوپتەگەن كەيىپكەرلەردىڭ فيگۋرالارى استانالىقتاردىڭ نازارىنا ۇسىنىلادى.
كەلۋشىلەر ءۇشىن باسقا دا توسىن سىيلار ازىرلەندى. ادامزات تاريحىنداعى ەڭ تابىستى فۋتبولشى پەلەنىڭ جانە تانىمال بوكسشى مايك تايسوننىڭ دا بالاۋىز مۇسىندەرى جاسالعان.
كورمەدە «ۇلتتىق اڭ جانە بالىق اۋلاۋ», «جۇلدىزدار سوعىسى», «اۆاتار», «كاريب تەڭىزىنىڭ قاراقشىلارى», «ساقينالار ءامىرشىسى», «گارري پوتتەر» جانە ت.ب. فيلمدەردىڭ كەيىپكەرلەرىن تاماشالاۋعا بولادى. بۇدان باسقا, مينوتاۆر مەن سفينكس تە بار.
بالاۋىز مۇسىندەر كورمەسى شىلدەنىڭ 13-نەن تامىزدىڭ 21-نە دەيىن كۇن سايىن ساعات 10.00-دەن كەشكى 20.00 دەيىن جۇمىس ىستەيدى.
astana.gov.kz
