استانا قالاسىنىڭ اۋىل شارۋاشىلىق باسقارماسى قالا تۇرعىندارى مەن قوناقتارىن مال شارۋاشىلىعى ونىمدەرىن ساتىپ الۋ كەزىندە ساق بولۋعا شاقىرادى. قاۋىپسىزدىك ماقساتىندا رۇقسات ەتىلمەگەن جەرلەردەن ەت, ءسۇت ونىمدەرىن ساتىپ الماۋعا كەڭەس بەرەمىز.
ساۋدا نىساندارىندا مال شارۋاشىلىعى ونىمدەرىن ساتىپ الۋ كەزىندە ونىڭ دەنساۋلىق ءۇشىن زيانسىز ەكەندىگىنە كوز جەتكىزۋ كەرەك. ساتىپ الۋشىلار ۆەتەرينارلىق سەرتيفيكات پەن زەرتحانالىق سىناقتاردىڭ قورىتىندىسىن كورسەتۋگە مىندەتتى.
ەت العان كەزدە ساتۋشىلاردان مالعا قاجەتتى ۆاكتسينالاردىڭ جاسالعاندىعى كورسەتىلەتىن ۆەتەرينارلىق تولقۇجاتتى نەمەسە ۆەتەرينارلىق انىقتامانى تالاپ ەتۋ كەرەك.
ۆەتەرينارلىق دارىگەرلەر مالدى سويماس بۇرىن ونى الدىمەن تەكسەرەدى, سودان كەيىن زەرتحانالىق ساراپتامانىڭ ناتيجەلەرى جازىلعان ۆەتەرينارلىق انىقتاما بەرەدى. مالدى ۆەتەرينارلىق-سانيتارلىق تالاپتاردى ساقتاي وتىرىپ, تەك رۇقسات ەتىلگەن جەرلەردە عانا سويۋ كەرەك. قازىرگى كەزدە استانادا مال سويۋعا ارنالعان ءۇش ورىن بار.
astana.gov.kz
