تاۋەلسىزدىك مەرەكەسى كەزىندە ەلورداداعى «Nomad City Hall» تەاترىنا حالىق قاھارمانى, ەلوردامىزدىڭ قۇرمەتتى ازاماتى ءازىرباي̆جان مامبەتوۆتىڭ ەسىمى بەرىلدى. شاراعا قالا اكىمى التاي كولگىنوۆ قاتىسىپ, جاڭا ەسىممەن اشىلعان تەاتردىڭ لەنتاسىن قيدى. سونداي-اق «جاس اباي» دراماسىنىڭ العاشقى قويىلىمىن تاماشالادى.
– تاۋەلسىزدىك كۇنى مەرەكەسى قارساڭىندا ەلىمىزدىڭ, ەلوردامىزدىڭ مادەنيەت سالاسىندا اي̆تۋلى وقيعالار بولىپ جاتىر. قازاق دراما تەاترى كوپتەن كۇتكەن جاڭا عيماراتتا بيىلعى ماۋسىمىن اشتى. بۇگىن, مىنە, «Nomad City Hall» تەاترىنا حالىق قاھارمانى, ەلوردامىزدىڭ قۇرمەتتى ازاماتى ءازىرباي̆جان مامبەتوۆتىڭ ەسىمى بەرىلىپ جاتىر. بۇل – ۇلكەن قۋانىش. ءازىرباي̆جان مامبەتوۆ – ەسىمى ەلگە تانىس ونەر قايراتكەرى. وسى ءبىر تەاتر تارلانىنىڭ ەسىمىن ماڭگى ساقتاۋ ماقساتىمەن تەاترعا ونىڭ ەسىمىن بەرىپ وتىرمىز. ەلوردامىزدا ۇلت مادەنيەتىنىڭ ەڭسەسىن تىكتەۋگە زور ۇلەس قوسقان ءازىرباي̆جان ءماديۇلى مامبەتوۆ – تەاتر عانا ەمەس, كينو سالاسىندا دا وزىندىك قولتاڭباسى قالعان ءىرى تۇلعا. «كەمەنىڭ اتىن قالاي̆ قوي̆ساڭ, سولاي̆ جۇزەدى» دەمەكشى, نوماد تەاترى مامبەتوۆ مۇراسىنا لاي̆ىقتى بولىپ, كورەرمەنىن قۋانتا بەرەدى دەپ سەنەمىز, – دەدى التاي كولگىنوۆ.
– بۇگىن ءبىزدىڭ شاڭىراعىمىز ءۇشىن ماڭگى ۇمىتىلماس كۇن بولدى. قۋانىشتان اۋزىما ءسوز دە تۇسپەي تۇر. ازەكەمنىڭ ارۋاعى دا بۇگىن ءبىر اۋناپ تۇسكەن شىعار. ءازىرباي̆جانىڭ ەڭبەگىن ەل ەسىنەن شىعارماي, ەسىمىن ۇلىقتاپ, مىناداي سالتاناتتى تەاترعا ەسىمىن بەرىپ جاتقاندارىڭىزعا العىسىم شەكسىز, – دەدى حالىق قاھارمانىنىڭ جارى, قازكسر حالىق ءارتىسى قورلان يحسانقىزى.
شارا سوڭىندا «جاس اباي» دراماسىنىڭ العاشقى قويىلىمى جۇرت نازارىنا ۇسىنىلدى. ابايدىڭ بالالىق شاعىنان ءبىر مولتەك سىر شەرتەتىن قويىلىمدا بوجەي اۋىلىنا اماناتقا بەرىلگەن كامشاتتىڭ ءولىمى اسا اسەرلى بەينەلەنگەن.
قازاقستاننىڭ حالىق قاھارمانى, كسرو حالىق ءارتىسى, كسرو مەملەكەتتىك سىيلىعىنىڭ لاۋرەاتى, قازاقستاننىڭ جانە قاراقالپاقستاننىڭ حالىق ءارتىسى, ايگىلى رەجيسسەر, قوعام قايراتكەرى ءازىربايجان ءماديۇلى مامبەتوۆ 1932 جىلى 2 قىركۇيەكتە رف ۆولگوگراد وبلىسى, پالاسوۆكا اۋىلىندا دۇنيەگە كەلگەن. 1952 جىلى الماتى حورەوگرافيا ۋچيليششەسىن, 1957 جىلى ماسكەۋ قالاسىنداعى ا.ۆ.لۋناچارسكي اتىنداعى مەملەكەتتىك تەاتر ونەرى ينستيتۋتىنىڭ رەجيسسەرلىك فاكۋلتەتىن ءبىتىردى. م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا رەجيسسەر, «موسفيلم» كينوستۋدياسىندا رەجيسسەر-ستاجەر, «قازاقفيلم كينوستۋدياسىنىڭ ديرەكتورى بولىپ قىزمەت ىستەگەن ول ءومىرىنىڭ سوڭعى شاعىندا استاناداعى ق.قۋانىشباەۆ اتىنداعى قازاق مۋزىكالىق دراما تەاترىنىڭ جەتەكشىسى قىزمەتىن اتقاردى. تالانتتى رەجيسسەر ش. حۇسايىنوۆتىڭ «ەرتىس جاعاسىندا», ق.مۇحامەدجانوۆتىڭ «بولتىرىك بورىك استىندا», م.اۋەزوۆتىڭ «ايمان-شولپان», ق.بايسەيىتوۆ پەن ق.شاڭعىتباەۆتىڭ «بەۋ, قىزدار-اي», لوپە دە ۆەگانىڭ «قىزعانىشتان ماحاببات» سەكىلدى كوپتەگەن پەسالارىن ساحنالاپ, «ءان قاناتىندا», «قان مەن تەر», «جاۋشى» فيلمدەرىن قويدى. 2009 جىلى 77 جاسىندا ومىردەن وزدى.
