تاۋەلسىزدىك مەرەكەسى كەزىندە ەلورداداعى «استانا وپەرا» مەملەكەتتىك وپەرا جانە بالەت تەاترىندا ايگىلى حورەوگراف پاتريك دە بان ساحنالاعان «دالا داۋىسى» بالەتىنىڭ الەمدىك پرەمەراسى ءوتتى. ليبرەتتو اۆتورى – بەلگىلى كينورەجيسسەر, اقىن باقىت قايىربەكوۆ.
«دالا داۋىسى» بالەتى – قازاقستان مەن شەتەلدىك پروديۋسەرلىك توپتىڭ بىرلەسكەن جوباسى. فرانتسۋز حورەوگرافىنىڭ يدەياسى بويىنشا جاسالعان قويىلىمدا ءداستۇلى بي ۇلگىلەرىنىڭ ەلەمەنتتەرىنەن پايدالانا وتىرىپ, قازىرگى زامان قالالارىنىڭ قايناعان تۇرمىس-تىرشىلىگىن وبرازدى بەينەلەپ شىققان. وتكەندى ەلەستەتۋ ارقىلى بولاشاققا باعدار سىلتەيتىن شىعارمانىڭ ءون بويىندا داستۇرگە قۇرمەت ەتۋ يدەياسى كورنەكتىلەنگەن.
قويىلىمعا قازاقستاندىق بەلگىلى ديريجەر ابزال مۇحيتدين مەن جان فرانسۋا ۆازەل ۇلكەن ۇلەس قوستى.
پاتريك دە بان بۇعان دەيىن قىتايدا, تۇركيادا, جاپونيادا جانە باحرەيندە ۇلتتىق بالەت باعىتىندا جۇمىس ىستەگەن.
ۇلتتىق بي ونەرىن زاماناۋي بالەت تىلىمەن ورنەكتەگەن حالىقارالىق تەاتر جوباسىنىڭ رەسمي دەمەۋشىسى – «سبەربانك»اق-تىڭ قازاقستاندىق وكىلدىگى.
