الەۋمەتتىك جەلىدە وسى ايدا 2020 جىلدىڭ II توقسانىمەن سالىستىرعاندا اتاۋلى الەۋمەتتىك كومەك (ااك) قىسقارتىلعانى تۋرالى اقپارات تاراۋدا. 2020 جىلدىڭ ەكىنشى توقسانىندا توتەنشە جاعداي كەزىندە ااك كىرىستى قايتا ەسەپتەمەستەن اۆتوماتتى تۇردە تاعايىندالسا, وسى توقساندا ەسەپتەۋ كوزدەلگەنى تۋرالى جۇمىسپەن قامتۋ ورتالىعى رەسمي اقپارات بەردى.
اعىمداعى جىلدىڭ شىلدە ايىنان باستاپ كارانتين شارالارىن ساقتاۋ اياسىندا نۇر-سۇلتان قالاسىندا ااك ەسەپتەۋ 2 جىلدىڭ II توقسانىنداعى كىرىستى ەسەپتەۋدى ەسكەرە وتىرىپ, 2 941 وتباسىنا اۆتوماتتى تۇردە تاعايىندالدى. سونداي-اق «ەلەكتروندى ۇكىمەت» ۆەب-پورتالىنىڭ «ەلەكتروندى ءوتىنىش» ءبولىمى نەمەسە czasp@astana.kz ەلەكتروندى پوشتاسى ارقىلى ءوتىنىم جىبەرگەن 160 جاڭا ءوتىنىش بەرۋشىگە ااك ەسەپتەلدى.
«ااك تاعايىنداۋ, تولەۋ جانە الۋ شارتتارى تۋرالى بارلىق سۇراقتاردى 8 7172 57 88 88 – بىرىڭعاي تەلەفونى ارقىلى قويا الاسىز. كونسۋلتاتسيالار ءاربىر ءوتىنىش بەرۋشىمەن جەكە جۇرگىزىلەدى» دەپ اتاپ ءوتتى جۇمىسپەن قامتۋ ورتالىعى ماماندارى.
كەڭەس بەرۋ بارىسىندا ااك تاعايىنداۋ شارتتارى تۋرالى تولىق اقپارات بەرىلەدى, اتاپ ايتقاندا: وتباسى مۇشەلەرىنىڭ الەۋمەتتىك مارتەبەسى, مەملەكەتتىك ورگانداردىڭ اقپاراتتىق جۇيەلەرىنەن سۇرالاتىن مالىمەتتەر تىزبەسى جانە ت.ب. سونداي-اق ادامنىڭ نەمەسە وتباسىنىڭ جان باسىنا شاققانداعى ورتاشا تابىسى مەن اتاۋلى الەۋمەتتىك كومەك مولشەرىن الدىن الا ەسەپتەۋ جۇرگىزىلەدى.
«نۇر-سۇلتان قالاسىنىڭ جۇمىسپەن قامتۋ ورتالىعى وتباسىنىڭ ءاربىر مۇشەسى تۋرالى رەسمي اقپاراتتى عانا پايدالاناتىنىنا نازار اۋدارامىز. كونسۋلتاتسيا ناتيجەلەرى بويىنشا ازاماتتار ااك تاعايىنداۋعا ءوتىنىشتى «ەلەكتروندى ۇكىمەت» ۆەب-پورتالىنىڭ «ەلەكتروندى ءوتىنىش» ءبولىمى نەمەسە czasp@astana.kz ەلەكتروندى پوشتاسى ارقىلى نۇر-سۇلتان قالاسىنىڭ جۇمىسپەن قامتۋ ورتالىعىنا جىبەرە الادى» دەپ ءتۇسىندىردى ماماندار.
ااك قولدانىستاعى زاڭنامادا كوزدەلگەن مەرزىمگە تاعايىندالادى. ااك تاعايىنداۋ, تولەۋ جانە الۋ شارتتارى بويىنشا تومەندە كورسەتىلگەن تەلەفوندار ارقىلى حجقو ماماندارىنا قوڭىراۋ شالىپ, كەڭەس الۋعا بولادى.
الماتى اۋدانىنىڭ تۇرعىندارى ءۇشىن: نازەركە نۇرماحامبەتوۆا – 8 775 351 00 00, دانا بەگايداروۆا – 8 747 433 71 88.
بايقوڭىر اۋدانىنىڭ تۇرعىندارى ءۇشىن: اقمارال ابيكەنوۆا – 8 702 510 84 30, نارگيز ەتەكباەۆا – 8 777 113 04 84.
ەسىل اۋدانىنىڭ تۇرعىندارى ءۇشىن: گۇلنارا كيماتوۆا – 8 775 939 63 42, شاربانۋ كاراكۋلوۆا – 8 705 102 22 26.
سارىارقا اۋدانىنىڭ تۇرعىندارى ءۇشىن: ناعيما احمەتبەكوۆا – 8 702 583 66 43, اسەل كازيزوۆا – 8 705 423 16 84.
