نۇرسۇلتان نازارباەۆ حالىقارالىق اۋەجايىنىڭ ت1 تەرمينالىندا «Caps Lock» كاپسۋلدى وتەلى اشىلدى.
ۇيىقتاۋعا ارنالعان كاپسۋلا جاپون تەحنولوگياسىمەن جاسالعان. مۇندا قوناققا جايلى قاجەتتىنىڭ بارلىعى بار. ياعني قوناقۇي smart-TV, جەكە سەيف, LED-جارىقتاندىرۋدىڭ ءتۇرلى ءتۇسى, روزەتكا, USB قۋاتتاۋ, كىتاپ وقۋعا ارنالعان كىشكەنە ۇستەل, جەلدەتكىش, سالقىنداتقىش, ورتكە قارسى جۇيە, كۇنساعات جانە جەكە گيگيەنا قۇرالدارى بار ىڭعايلى ورتوپەديالىق كەرەۋەتپەن قامتاماسىز ەتىلگەن. وتەلدە بارلىعى كەلۋشىنىڭ ماگنيتتى سمارت كارتاسى ارقىلى باسقارىلادى. ونلاين رەجيمدە قوناقتار پلانشەتتەن ءوزىنىڭ كەلە جاتقان رەيسىنىڭ ستاتۋسىن ءبىلىپ وتىرادى. ميني-وتەلدە شايىناتىن دۋش پەن دارەتحانا دا قاراستىرىلعان. ۇيقىدان ويانعان سوڭ قوناقتار مينيباردى پايدالانىپ, كوفە نەمەسە شايعا تاپسىرىس بەرە الادى. وتەل 10 ورىنعا ەسەپتەلگەن. ول جەردە 1 ساعاتقا قونىپ شىعۋ 1500 تەڭگە بولسا, ودان ءارى ساعاتىنا – 1000 تەڭگە. 7 جاسقا دەيىنگى بالالارعا اتا-انالارىمەن بىرگە تەگىن قونۋعا بولادى.
