استاناداعى «حان شاتىر» ويىن-ساۋىق ورتالىعى ماڭىندا اۋىلشارۋاشىلىق جارمەڭكەسى وتۋدە. كۇزدىڭ قارا سۋىعى ۇدەپ تۇرسا دا, قالا تۇرعىندارى جارمەڭكەدەن اسىرەسە, ازىق-تۇلىك ونىمدەرىن كوپتەپ ساتىپ الۋدا.
كۇرەڭ كۇز باستالعاننان بەرى ەلوردادا تاۋەلسىزدىكتىڭ شيرەك عاسىر تويىنا ارنالعان «قۋاتتى ءوڭىر – قۋاتتى قازاقستان» اتتى اۋقىمدى شارا بارىسىندا بارلىق وبلىستاردىڭ كۇندەرى ءوتىپ, سونىڭ اياسىندا اۋىلشارۋاشىلىق ونىمدەرى جارمەڭكەسى جوعارعى دەڭگەيدە ۇيىمداستىرىلعان ەدى. ال بۇگىنگى جارمەڭكە دە ەلوردامەن شەكتەسىپ جاتقان وڭىرلەر مەن ىرگەدەگى اۋىلداردىڭ جەكە كاسىپكەرلەرى وندىرگەن ونىمدەرى ساۋدالاندى. ولاردىڭ باعاسى دا سونشالىقتى قىمبات ەمەس. ماسەلەن, جىلقى ەتى – 1 300 تەڭگەدەن, ءىرى قارانىڭ ەتى –1200 تەڭگەدەن, قوي ەتى –1250 تەڭگەدەن, ءسابىز, كارتوپ, پياز, قىرىققابات سەكىلدى كوكونىستەردىڭ كيلوسى, كوتەرمە باعامەن 50- 70 تەڭگە ارالىعىندا ساۋدالاندى. ودان بولەك, كۇندەلىكتى قاجەتتى ازىق-تۇلىكتەردىڭ قۇنى دا قولجەتىمدى ەكەندىگىن بايقادىق.
كۇننىڭ سۋىعىنا قاراماستان تۇسكە تامان جارمەڭكەگە كەلۋشىلەردىڭ قاتارى كوبەيدى. ەلوردالىقتار جەرگىلىكتى ءونىم بولعاندىقتان با, بارلىق ازىق-تۇلىك تاۋارلاردى مولىنان ساتىپ الدى.
«بۇگىنگى جارمەڭكە ماعان ۇناپ تۇر. باعالارى دا قىمبات ەمەس. اسىرەسە, كوكونىستەردىڭ قۇنى ارزانداۋ ەكەن. ءبىر قاپ كارتوپ, ءبىر قاپ جۋا, ءبىر قاپ ءسابىز الدىم. قىس جاقىنداپ قالدى. سوعان دايىندالىپ جاتىرمىز» دەيدى ەلوردا تۇرعىنى نۇرلان اقىم دەگەن اعامىز.
ا.قۇسايىن
