استانا كۇنىندە ەلوردادا Orbis Heavy Machinery مامانداندىرىلعان اۆتوتەحنيكا شىعاراتىن مۋلتيبرەندتىك زاۋىت اشىلدى. كاسىپورىن ورتالىق ازيا مەن تمد ەلدەرىندەگى KIA كوممەرتسيالىق تەحنيكاسىنىڭ العاشقى وندىرىستىك الاڭى بولعالى وتىر.
زاۋىتتىڭ اشىلۋىنا قر پرەمەر-ءمينيسترىنىڭ ءبىرىنشى ورىنباسارى رومان سكليار مەن نۇر-سۇلتان قالاسى اكىمىنىڭ ورىنباسارى ەرلان بەكمۋرزاەۆ قاتىستى.
جوبا قر يندۋستريا جانە ينفراقۇرىلىمدىق دامۋ مينيسترلىگىنىڭ, سونداي-اق نۇر-سۇلتان قالاسى اكىمدىگىنىڭ قولداۋىمەن جۇزەگە اسىرىلدى. زاۋىتقا سالىناتىن ينۆەستيتسيا كولەمى 11 ملرد تەڭگەنى قۇراپ, ول Orbis كومپانياسىنىڭ مەنشىكتى قاراجاتى ەسەبىنەن دە, «سبەربانك قازاقستان» اق ەب-دەن الىنعان كرەديتتىك قاراجات ەسەبىنەن دە سالىندى. كاسىپورىننىڭ وندىرىستىك قۋاتى ءبىرىنشى كەزەڭدە جىلىنا كوممەرتسيالىق جانە مامانداندىرىلعان 11880 اۆتوموبيل تەحنيكاسىن شىعارۋعا ەسەپتەلگەن. ساراپشىلاردىڭ ەسەپتەۋىنشە, بۇل كولەم قازاقستاندىق نارىقتى باسەكەگە قابىلەتتى باعاداعى ساپالى كوممەرتسيالىق جانە مامانداندىرىلعان تەحنيكامەن قامتاماسىز ەتۋگە, سونداي-اق 11 ەلدىڭ نارىعىنا شىعارۋعا جەتكىلىكتى. كومپانيا باسشىلىعىنىڭ باعالاۋى بويىنشا, ۋاقىت وتە كەلە ەكسپورت ۇلەسى ءوندىرىستىڭ جالپى كولەمىنىڭ 80%-نا جەتەدى. وسى جىلدىڭ سوڭىنا دەيىن قازاقستاندىق ءوندىرىستىڭ KIA Bongo 2000 داناسىن تمد ەلدەرىنىڭ نارىقتارىنا جەتكىزۋ تۋرالى كەلىسىمشارتتارعا قول قويىلدى.
Orbis Heavy Machinery زاۋىتى – Orbis Kazakhstan كومپانيالار توبىنىڭ ەنشىلەس كاسىپورنى. ال Kia Corporation-وڭتۇستىك كورەيالىق اۆتوموبيل جاساۋ كومپانياسى كولەمى بويىنشا كورەيا رەسپۋبليكاسىندا ەكىنشى جانە الەمدە جەتىنشى اۆتوموبيل ءوندىرۋشى, ول 1944 جىلى قۇرىلعان, Hyundai Motor Group كومپانيالار توبىنا كىرەدى. KIA Corporation جانە Orbis Kazakhstan اراسىنداعى ليتسەنزيالىق كەلىسىمگە 2021 جىلى قول قويىلعان.
«استانا – جاڭا قالا» ارنايى ەكونوميكالىق ايماعىندا ورنالاسقان زاۋىت كەشەنىنىڭ جالپى اۋدانى 4,5 گا قۇرايدى, ءبىرىنشى كەزەڭدەگى وندىرىستىك ورىن اۋدانى – 9 مىڭ شارشى مەتر. زاۋىت ءبىرىنشى كەزەڭدە وندىرىستىك جانە اكىمشىلىك قىزمەتپەن اينالىساتىن 240 قىزمەتكەردى جۇمىسپەن قامتاماسىز ەتەدى. زاۋىت كەشەنىنە دانەكەرلەۋ, بوياۋ جانە قۇراستىرۋ الاڭدارى, سونداي-اق قوندىرمالاردى ءوندىرۋ تسەحى كىرەدى. ءوندىرىس كورەيا رەسپۋبليكاسى, تۇركيا, اقش, گەرمانيا جانە قىتاي سياقتى ەلدەردىڭ جاڭا تەحنولوگيالىق جابدىقتارىمەن جابدىقتالعان, شەتەلدىك مامانداردىڭ قولداۋىمەن كاسىپورىندا ەڭ زاماناۋي تەحنولوگيالار ەنگىزىلۋدە. وڭتۇستىككورەيالىق ماماندار نۇر-سۇلتانداعى زاۋىتتا وندىرىستىك پروتسەسس KIA تەحنولوگيالىق ستاندارتتارىنا سايكەس ەكەنىن مالىمدەدى.
كاسىپورىننىڭ ەكىنشى كەزەگى 2023 جىلدىڭ III توقسانىندا ىسكە قوسىلادى. زاۋىتتىڭ جوبالىق قۋاتى ەكىنشى كەزەڭ اياقتالعاننان كەيىن شامامەن 20000 تەحنيكانى قۇرايدى, بۇل شىعارىلاتىن ءونىم جەلىسىن كەڭەيتۋگە, ەكسپورت كولەمىن 16000 تەحنيكاعا دەيىن جەتكىزۋگە جانە 200 جاڭا جۇمىس ورنىن قۇرۋعا مۇمكىندىك بەرەدى. زاۋىت جۇمىسىنىڭ العاشقى بەس جىلىنداعى سالىق تۇسىمدەرى 6 ملرد تەڭگەدەن اسادى. ەكىنشى كەزەڭ اياسىندا زاۋىت فۋرگوندار, كران-مانيپۋلياتورلار, گيدروبورتتار جانە اۆتوگيدروكوتەرگىشتەر ءوندىرىسىن يگەرەدى. سونىمەن قاتار ىشكى جانۋ قوزعالتقىشتارىن جانە باسقا اۆتوموبيل كومپونەنتتەرىن جيناۋدى ۇيىمداستىرۋ جوسپارلانۋدا. بۇل كاسىپورىنعا 51%-دان استام لوكاليزاتسيالاۋدى قامتاماسىز ەتۋگە جانە وتاندىق اۆتوونەركاسىپتى دامىتۋ بويىنشا قويىلعان ماقساتتارعا قول جەتكىزۋگە مۇمكىندىك بەرەدى.
– ءبىز مۇندا كوممەرتسيالىق اۆتوموبيلدەردىڭ الەمدەگى ەڭ ءىرى جەتكىزۋشىلەرىنىڭ ءبىرى رەتىندە كەلدىك جانە قازاقستاندا KIA جوعارى ساپالى تەحنيكاسىنىڭ ءوندىرىسىن دامىتىپ, ەكونوميكانىڭ وسۋىنە ىقپال ەتۋگە بار كۇشىمىزدى سالامىز, – دەپ اتاپ ءوتتى كIA Corporation اعا ۆيتسە-پرەزيدەنتى يك تە كيم. Orbis Kazakhstan كومپانيالار توبى ديرەكتورلار كەڭەسىنىڭ توراعاسى فاررۋح ماحمۋدوۆ قر ۇكىمەتىنە زاۋىتتى ىسكە قوسۋ باستاماسىن قولداعانى ءۇشىن العىس ايتىپ, كاسىپورىندى اشۋ قازاقستاندا وزىق تەحنولوگيالار ترانسفەرتى مەن بيۋدجەتتە سالىق تۇسىمدەرىنىڭ وسۋىنە جانە جاڭا جوعارى تەحنولوگيالىق, ءارى جوعارى جالاقى تولەنەتىن جۇمىس ورىندارىن قۇرۋعا ىقپال ەتەتىنىن اتاپ ءوتتى.
