Nur Otan پارتياسىنىڭ وكىلدەرى سايلاۋ الدىنداعى ناۋقان اياسىندا «استانا-كوگالداندىرۋ قۇرىلىسى» جشس جۇمىسشىلارىمەن كەزدەستى.
نۇر-سۇلتان قالالىق ءماسليحاتىنىڭ دەپۋتاتتىعىنا ۇمىتكەر, سوت ورىنداۋشىسى تالعات مامىقانوۆ بۇل كاسىپورىن جۇمىسشىلارى ءۇشىن باسپاناعا نەسيە الۋ جانە جالاقىنىڭ ازدىعى ەڭ ماڭىزدى ماسەلەلەردىڭ ءبىرى بولىپ تابىلاتىنىن ايتادى.
– «استانا-كوگالداندىرۋ قۇرىلىسى» جشس جۇمىسشىلارى قوعام ءۇشىن اسا قاجەتتى جانە پايدالى جۇمىستى اتقارادى. سىزدەردىڭ ەرەن ەڭبەكتەرىڭىزدىڭ ناتيجەسىندە قالا كوشەلەرى تاپ-تازا بولىپ, جارقىراپ جاتىر. لاندشافتتىق كومپوزيتسيالار كوشەلەرگە كورىك بەرىپ تۇر, – دەپ اتاپ ءوتتى كەزدەسۋدە ت.مامىقانوۆ.
جيىن بارىسىندا پارتيا وكىلدەرى «ءوندىرىس» تۇرعىن الابىندا 2021 جىلى كوپبەيىندى ەمحانانىڭ قۇرىلىسى جوسپارلانعانىن مالىمدەدى.