Nur Otan پارتياسى اتىنان نۇر-سۇلتان قالالىق ءماسليحاتى دەپۋتاتتىعىنا ۇمىتكەرلەر ەلورداداعى ساۋران كوشەسى, 7 مەكەنجايىنداعى ەسىل اۋدانىنىڭ حالىققا قىزمەت كورسەتۋ ورتالىعىندا كەزدەسۋ وتكىزدى.
كەزدەسۋدە ورتالىق وكىلدەرى حالىققا قىزمەت كورسەتۋ تۇرلەرى بويىنشا اقپارات بەرىپ, نەگىزگى ماسەلەلەردى دە اتاپ ءوتتى. ورتالىق باسشىلارى كەيدە تەحنيكالىق اقاۋلارعا بايلانىستى حالىققا ەلەكتروندى قىزمەت كورسەتۋ ىستەرىنىڭ كەدەرگىلەرگە تاپ بولاتىنىن, وسىعان بايلانىستى تۇرعىنداردان ءجيى شاعىم تۇسەتىنىن جەتكىزدى. سونىمەن قاتار, كەيبىر مەملەكەتتىك ورگانداردىڭ ءالى كۇنگە دەيىن قىزمەت كورسەتۋ تۇرلەرىن تولىقتاي ەلەكتروندى فورماتقا كوشىرمەگەنىن العا تارتقان ورتالىق وكىلدەرى بۇل ماسەلەنىڭ پاندەميا كەزىندە جۇرتشىلىقتىڭ ۇيدەن شىقپاي وتىرىپ, ونلاين جۇمىس بىتىرۋىنە كوپ كەدەرگى بولعانىن ايتتى. كەزدەسۋدە تاراپتار قىزمەت كورسەتۋ تۇرلەرىنىڭ «ۇيگە دەيىن» نۇسقاسىن ەنگىزۋدىڭ تەتىكتەرىن تالقىلادى. ۇمىتكەرلەر كەزدەسۋدە ايتىلعان ماسەلەلەردىڭ الداعى كۇندەردە وڭ شەشىم تابۋىنا اتسالىساتىنىن ايتىپ, ورتالىقتىڭ قىزمەت وتەۋ ساپاسىن جوعارىلاتا تۇسۋىنە سەپتىگى تيەتىن ۇتىمدى ۇسىنىستارىن دا ورتاعا سالدى.
اتالعان كەزدەسۋدەن كەيىن ۇمىتكەر «نۇرلى جول» ۆوكزالىندا اشىلعان مامانداندىرىلعان حالىققا قىزمەت كورسەتۋ ورتالىعىنا باردى. جۇرت اراسىندا «اۆتوتسون» دەپ اتالىپ كەتكەن بۇل ورتالىق سول جاعالاۋداعى تۇرعىندارعا قىزمەت كورسەتەدى. ورتالىق, نەگىزىنەن, كولىك تىركەۋ, تىركەۋدەن شىعارۋ, كولىك جۇرگىزۋشىسى كۋالىگىن الۋ جانە تاعى دا باسقا باعىتتار بويىنشا قىزمەت كورسەتەدى. كەزدەسۋگە №17 مەكتەپ-گيمنازيانىڭ ديرەكتورى رامزيا فااتقىزى, قر گرەپپلينگ قاۋىمداستىعىنىڭ پرەزيدەنتى قانات الين, Nur Otan پارتياسى وتكىزگەن پرايمەريزگە ەڭ جاس ۇمىتكەر رەتىندە تىركەلگەن جاندوس اقتاەۆ, نۇر-سۇلتان قالاسى اكىمدىگىنىڭ «استانا جاستارى» باسشىسى شىڭعىس تىلەۋلين, تۇرعىن ءۇي قۇرىلىس جيناق بانكىنىڭ مەنەدجەرى ءمادينا اجيكەنوۆا جانە جەكە كاسىپكەر, بلوگەر قۇرالاي وشاقباەۆا قاتىستى.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.