استانا اكىمى باقىت سۇلتانوۆ باحرەين حانزاداسى اتىنداعى قايىرىمدىلىق قورىنىڭ باس حاتشىسى مۇستافا ءالي مۇحاممەد ءال سايەد مىرزامەن كەزدەستى.
تاراپتار كەلىسسوز بارىسىندا استانادا ءبىلىم وبەكتىسىنىڭ قۇرىلىسىن سالۋ مۇمكىندىگىنە توقتالدى. ايتا كەتەيىك, 2014 جىلى باحرەين حانزاداسى حاماد بەن يسا ءال حاليفا قازاقستانعا رەسمي ساپارى كەزىندە الەۋمەتتىك نىساننىڭ قۇرىلىسىن سالۋ تۋرالى كەلىسىمگە كەلگەن بولاتىن. ءوز كەزەگىندە استانا اكىمى باقىت سۇلتانوۆ قايىرىمدىلىق قورىنىڭ باستاماسىنا جان-جاقتى قولداۋ كورسەتۋگە ۋادە بەردى.
مۇستافا ءالي مۇحاممەد ءال سايەد ەكى ەلدىڭ بىرلەسكەن جوباسى – مەكتەپ قۇرىلىسىنىڭ قاشان باستالاتىنى تۋرالى جەلتوقساندا حابارلايتىنىن ايتتى.
