قازاقستان رەسپۋبليكاسىنىڭ ۇلتتىق ارحيۆىندە مەملەكەت باسشىسى ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنا ارنالعان ءماجىلىس ءوتتى.
«نۇر وتان» پارتياسى, ەسىل اۋداندىق اكىمدىگى, مەملەكەت تاريحى ينستيتۋتى, قولجازبالار جانە سيرەك كىتاپتار ۇلتتىق ورتالىعى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جانە قر ۇلتتىق ءارحيۆى قىزمەتكەرلەرى مەن عالىمدارى قاتىسقان جيىن بارىسىندا جولداۋدا ايقىندالعان مىندەتتەر مەن ماقساتتار جونىندە جان-جاقتى اڭگىمە ايتىلدى. قر مادەنيەت جانە سپورت مينيسترلىگىنىڭ ارحيۆ ءىسى جانە قۇجاتتاما دەپارتامەنتىنىڭ ديرەكتورى باعدات تانسىبەكوۆ «ەلباسىنىڭ بيىلعى جولداۋىندا, الدىمەن, حالىقتىڭ ءال-اۋقاتىن جاقسارتۋعا باسىمدىلىق بەرىلىپ وتىر. وسى ورايدا ءبىرىنشى كەزەكتە كۇنكورىس, ياعني تۇرمىس ساپاسىن, حالىققا قىزمەت كورسەتۋ ساپاسىن كوتەرۋگە ەكپىن بەرىلگەن. اتاپ ايتقاندا, جۇمىسپەن قامتۋ, تۇرعىن ۇيمەن قامتاماسىز ەتۋ, مەديتسينالىق كومەك كورسەتۋدىڭ, ءبىلىم بەرۋدىڭ ساپاسىن جەتىلدىرۋ جونىندە ناقتىلى مىندەتتەر قويىلىپ وتىر. سوندىقتان پرەزيدەنت جولداۋىنداعى مىندەتتەر مەن ماقساتتاردى ورىنداۋ ءۇشىن ءاربىر ادام بەلسەندىلىك تانىتۋى كەرەك» دەپ اتاپ ءوتتى.
سونداي-اق, ءماجىلىس بارىسىندا سويلەگەن تاريحشى عالىمدار جاباي قاليەۆ, قۇندىزاي ەرىمبەتوۆا, ءشامشى جۇمامۇرات كوپشىلىك الدىندا جولداۋ مۇراتىنىڭ ءمان-ماعىناسىن جان-جاقتى اشىپ كورسەتىپ, ويلارىمەن ءبولىستى. ۇلتتىق ارحيۆ قىزمەتكەرى ساۋلە بۋرباەۆا مەن قولجازبالار جانە سيرەك كىتاپتار ۇلتتىق ورتالىعىنىڭ ءبولىم باسشىسى ءاسيا كەرىمتاەۆا جولداۋ اياسىندا اتقارىلاتىن جۇمىستاردىڭ ماڭىزدىلىعى مەن تيىمدىلىگى جايىندا پىكىرلەرىن جەتكىزدى.
جيىندى تۇيىندەگەن قر ۇلتتىق ءارحيۆىنىڭ ديرەكتورى جانگەلدى ماحاشوۆ ەلىمىزدىڭ وركەندەۋىنە باعىت بەرەتىن پرەزيدەنت جولداۋى ءاربىر قازاقستاندىقتىڭ ءال-اۋقاتىن جاقسارتۋعا نەگىز بولاتىنىن جانە وسى تۇرعىدا ەڭبەك ەتۋگە, بەلسەندى بولۋعا شاقىردى.
