ەلوردانىڭ بارلىق كىتاپحانالارىندا «پاراسات جولى» ورتالىقتارى اشىلىپ, ونىڭ ارقايسىسىندا كورمەلەر ۇيىمداستىرىلىپ, ءتيىستى جۇمىستار بەلسەندى تۇردە جۇرگىزىلىپ جاتىر.
بۇل – ادالدىق, پاراساتتىلىق, ادىلەتتىلىك قاعيداتتارىن قالىپتاستىرۋعا, ۇلتتىق مادەنيەت پەن رۋحانيات قۇندىلىقتارىن قوعامدا ىلگەرىلەتۋگە باعىتتالعان جوبا. جوبا اياسىندا جاستاردىڭ تانىمال اقىن-جازۋشىلارمەن, عالىمدارمەن, مەملەكەت جانە قوعام قايراتكەرلەرىمەن كەزدەسۋلەرى وتكىزىلەدى.
سونداي كەزدەسۋلەردىڭ ءبىرى نۇر-سۇلتان قالاسى ورتالىقتاندىرىلعان كىتاپحانالار جۇيەسىنە قاراستى ورتالىق بالالار جانە جاسوسپىرىمدەر كىتاپحاناسىنىڭ ۇيىمداستىرۋىمەن ءوتتى. «بالالار ادەبيەتى – ۇلتتىق رۋحتىڭ قازىعى» اتاۋىن العان اتالمىش كەزدەسۋ تاۋەلسىزدىكتىڭ 30 جىلدىعى, ىبىراي ءالتىنساريننىڭ 180 جىلدىعى جانە قازاقستانداعى بالالار مەن جاسوسپىرىمدەردىڭ كىتاپ وقۋىن قولداۋ جىلى اياسىندا ۇيىمداستىرىلدى.
شارادا بالالار ادەبيەتى باعىتىندا قالام تەربەپ جۇرگەن قالامگەرلەرمەن اڭگىمە جۇرگىزىلىپ, سۇراقتار قويىلدى.
