نۇر-سۇلتان قالالىق اكىمدىگىنە قاراستى مۋزىكالىق جاس كورەرمەن تەاترىنىڭ تالانتتى اكتەرى راسۋل ۋسمانوۆ حالىقارالىق جوبادا باستى رولدەردىڭ ءبىرىن وينايدى.
الداعى 16-31 جەلتوقسان ارالىعىندا سانكت-پەتەربۋرگ قالاسىنىڭ مۋزىكالىق كومەديا تەاترىنىڭ ساحناسىندا فرانتسۋز كومپوزيتورى كلود-ميشەل شەنبەرگتىڭ «ميسس سايگون» ميۋزيكلى كورسەتىلەدى. بۇل قويىلىمدى «قانىشەرلەر بالى» ميۋزيكلىمەن جۇمىس ىستەگەن گوللاندتىق رەجيسسەر كورنەليۋس بالتۋس جەتەكشىلىك ەتكەن توپ دايىندادى. ۇيىمداستىرۋشىلاردىڭ ايتۋىنشا, وعان بىرنەشە كەزەڭگە بولىنگەن كاستينگتەن ارتىستەردىڭ مىقتى قۇرامى جينادى. سولاردىڭ اراسىندا قازاقستاندىق جاس اكتەردىڭ دە باعى جاندى.
راسۋل ۋسمانوۆ – تانىمال كينو جانە تەاتر اكتەرى, «ساحناگەر-2019» ۇلتتىق تەاتر جۇلدەسىنىڭ لاۋرەاتى. ول اتالعان ميۋزيكلدە نەگىزگى قۇرامداعى باستى رولدەردىڭ ءبىرى – ءتۋيدى سومدايدى.
