ەلورداداعى ۇلتتىق اكادەميالىق كىتاپحانا قازاقستاننىڭ شۆەتسيا كورولدىگىندەگى ەلشىلىگىمەن بىرلەسىپ, بەينەكونفەرەنتسيا فورماتىندا «اباي وقۋلارىن» وتكىزدى.
اباي اتامىزدىڭ ايتۋلى مەرەيتويىنا ارنالعان ونلاين جيىنعا قازاقستاننىڭ شۆەتسيا كورولدىگىندەگى توتەنشە جانە وكىلەتتى ەلشىسى قايرات ءابدىراحمانوۆ قاتىسىپ, ىزگى لەبىزىن جەتكىزدى.
– ۇلى اقىننىڭ 175 جىلدىق مەرەيتويىنا وراي قازاقستان مەن شۆەتسيا اراسىنداعى اكادەميالىق توپتار مەن ادەبيەت جانە ونەر سالاسىنداعى زيالى قاۋىم وكىلدەرىنىڭ باسىن قوسقان «اباي وقۋلارىنىڭ» سالتاناتتى اشىلۋى – مەن ءۇشىن زور مارتەبە. مەملەكەت باسشىسى قاسىم-جومارت توقاەۆتىڭ «اباي جانە XXI عاسىرداعى قازاقستان» اتتى ماقالاسىندا كوپتەگەن ماسەلەلەر كوتەرىلدى. «جالپى, ءومىردىڭ قاي سالاسىندا دا ابايدىڭ اقىلىن الساق, ايتقانىن ىستەسەك, ەل رەتىندە ەڭسەلەنەمىز, مەملەكەت رەتىندە مۇراتقا جەتەمىز» دەگەن ۇعىم سىرتتا جۇرگەن ديپلوماتتار ءۇشىن وتە ماڭىزدى دەپ سانايمىن» دەدى ەلشى مىرزا.
كورنەكتى اقىن, قازاقستان جازۋشىلارى وداعىنىڭ توراعاسى ۇلىقبەك ەسداۋلەت, اقىن, حالىقارالىق «الاش» ادەبي سىيلىعىنىڭ لاۋرەاتى ورىنباي جانايداروۆ دانىشپان تۇلعانىڭ شىعارماشىلىعى تۋرالى پاراساتتى وي ءوربىتتى.
