استانا قالاسىنىڭ جانايدار جيرەنتاەۆ كوشەسىندەگى ءبىرىنشى ءۇيدىڭ قابىرعاسىنا قىزمەت اتقارۋ كەزىندە ەرلىكپەن قازا تاپقان جاۋىنگەر-ينتەرناتسيوناليست, پوليتسيا قىزمەتكەرىنە ارنالعان ەستەلىك-تاقتا ورناتىلدى.
جانايدار جيرەنتاەۆ اسكەري مىندەتىن اۋعانستاندا اتقارىپ, امان-ەسەن ەلگە ورالعان سوڭ, استانا قالاسىنىڭ الماتى اۋداندىق ىشكى ىستەر بولىمىندە قىلمىستىق ىزدەستىرۋ قىزمەتكەرى بولىپ ەڭبەك جولىن باستاعان ەدى. سەرجانت ساپىنان لەيتەنانت لاۋازىمى بولىپ جۇمىس ىستەپ جۇرگەندە جەدەل دابىلدى شاقىرۋ بويىنشا شۇعىل تاپسىرماعا شىعادى. الايدا قاراقشىلاردىڭ قولىنان جاپا شەككەن ادامداردى قۇتقارۋ كەزىندە ءوزى وققا ۇشتى.
بۇگىندە استاناداعى ءبىر كوشە جانايدار جيرەنتاەۆ اتىمەن اتالادى. كەشە وسى كوشەدەگى سوعىس ارداگەرى, باتىل پوليتسيا تۇرعان ءۇيدىڭ قابىرعاسىنا ەستەلىك-تاقتا ورناتىلدى. شاراعا استانا قالاسى ءىىد باسشىلارى, پوليتسيا قىزمەتكەرلەرى جانە استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» ۇيىمىنىڭ مۇشەلەرى قاتىسىپ, ج.جيرەنتاەۆتىڭ ءومىرى, ەرلىگى جايلى اڭگىمەلەپ, گۇل شوقتارىن قويدى.
