ءبىلىم كۇنىنە وراي استانا قالاسىندا تاعى ءبىر اۋلا كلۋبى اشىلدى.
جاڭا كلۋب س.سەيفۋللين كوشەسى مەن كۇلتوبە تۇيىق كوشەسى قيىلىسىنداعى كوپقاباتتى «ەۆەرەست» تۇرعىن ءۇيىنىڭ ءبىرىنشى قاباتىندا جۇمىس ىستەيتىن بولادى. ءۇي اۋلاسىندا فۋتبول جانە باسكەتبول, بالالاردىڭ ويىن الاڭدارى سونداي-اق كوپشىلىككە ارنالعان ترەناجەر جابدىقتارى بار. بۇل اۋلاعا ماڭايداعى كوپقاباتتى ۇيلەر مەن جەكە سەكتوردا تۇراتىن بالالار دا كوپ جينالادى.
ەندى, مىنە, وسىنداي بالالار مەن جاسوسپىرىمدەرى كوپ اۋماقتا «ەۆەرەست» اتتى اۋلالىق كلۋب جۇمىس ىستەمەك. ازىرگە مۇندا فۋتبول جانە توعىزقۇمالاق ءۇيىرمەلەرى بولادى. توعىزقۇمالاق ويىنىن قازاقستاننىڭ سپورت شەبەرى ايدا كومپاەۆا ۇيرەتسە, فۋتبول ءبولىمىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى, «استانا» فۋتبول كلۋبىنىڭ تاربيەلەنۋشىسى ايحان قوجابەكوۆ جۇرگىزەدى. ال الداعى ۋاقىتتا قىزدار فۋتبولى مەن شاحمات سپورتى بويىنشا دا جاتتىعۋلار جۇرگىزۋ جوسپارلانىپ وتىر.
اۋلا كلۋبىنىڭ اشىلۋ ءراسىمىندە استانا قالاسى اكىمدىگىنىڭ «استانا جاستارى» مەملەكەتتىك مەكەمەسىنىڭ اۋلا كلۋبتارىن دامىتۋ ءبولىمىنىڭ جەتەكشىسى بولات ءجۇمادىل قاتىسىپ, جاڭا ۇيىمنىڭ باستاماسىنا العىسىن ءبىلدىرىپ, جاتتىقتىرۋشىلار مەن بالالارعا سپورتتىق ءارى شىعارماشىلىق تابىس تىلەدى. سونىمەن قاتار, تۇرعىن ءۇيدىڭ پيك توراعاسى بولات ابەنوۆ پەن اتا-انالار اتىنان سويلەگەن ەكاتەرينا گەرمان ءۇي جانىنان اۋلا كلۋبىنىڭ اشىلعانىنا ريزاشىلىقتارىن ءبىلدىردى.
اشىلۋ سالتاناتىنان كەيىن ءجاسوسپىرىم فۋتبولشىلار اراسىندا «ەۆەرەست» اۋلا كلۋبىنىڭ كۋبوگى ساراپقا سالىنىپ, قۋانىشقا بولەنگەن بالالار ويىن كورىگىن قىزدىردى.
