1991 جىلعى 1 جەلتوقساندا, العاش رەت جالپىحالىقتىق سايلاۋ ءوتىپ, ەگەمەن قازاقستاننىڭ نەگىزىن سالۋشى – نۇرسۇلتان نازارباەۆ تۇڭعىش رەت پرەزيدەنت بولىپ سايلاندى. قازاقستاننىڭ ساياسي جەتىستىكتەرىنىڭ قۇرمەتىنە بىلتىردان باستاپ 1 جەلتوقسان «قازاقستان رەسپۋبليكاسى تۇڭعىش پرەزيدەنتى كۇنى» بولىپ جاريالاندى.
استانا قالاسى ادىلەت دەپارتامەنتى
باسشىسىنىڭ ورىنباسارى:
بۇل جاڭا مەملەكەت قالىپتاسۋىنىڭ وتپەلى كەزەڭىندە سەنىمدى باسشىعا ءوز تاعدىرىن تاپسىرعان قازاقستان حالقىنىڭ جاۋاپتى تاڭداۋى ەدى. شىن مانىندە, ەلباسى نۇرسۇلتان نازارباەۆتىڭ ساليقالى ساياساتىنىڭ ارقاسىندا تاۋەلسىز قازاق ەلى قالىپتاسىپ, تاريحىمىز تۇگەندەلىپ, ءتىلىمىز, ءدىنىمىز جانە ءدىلىمىز قايتا ورالىپ, مەملەكەتىمىزدىڭ ۇلتتىق رامىزدەرى قابىلداندى.
مەملەكەت باسشىسى اقوردادا وتكەن تىلشىلەرمەن كەزدەسۋىندە: «بۇل نازارباەۆتىڭ جەكە مەرەكەسى بولىپ تابىلمايدى. 1991 جىلعى ءبىرىنشى جەلتوقساندا قازاقستان العاش رەت دامۋدىڭ جاڭا جولى – پرەزيدەنتتىك باسقارۋدى تاڭداعان بولاتىن. بۇل جۇيە بۇكىلحالىقتىق رەفەرەندۋمدا بەكىتىلدى. 1991 جىلدان باستاپ مەملەكەت جەتىستىككە جەتتى. مىنە, مەرەكەنى وسىنداي تۇردە تويلاۋ قاجەت» دەگەنى ەسىمىزدە.
تاۋەلسىزدىك العان ۋاقىتتان بەرگى قول جەتكىزگەن جەتىستىكتەرىمىز تۇڭعىش پرەزيدەنتتىڭ اتىمەن تىكەلەي بايلانىستى. ەلباسىنىڭ باسشىلىعىمەن دەموكراتيالىق قۇندىلىقتاردى قۇرمەتتەۋ, اشىق قوعام قۇرۋ, ادام قۇقىن قورعاۋ مەن ءسوز بوستاندىعىن وركەنيەت ورىسىنە ساي قامتاماسىز ەتۋ سالالارىندا اۋىز تولتىرىپ ايتارلىقتاي تابىستارعا جەتتىك.
ەلىمىزدىڭ ەكونوميكاسىن كوتەرىپ, حالقىمىزدىڭ ءال-اۋقاتىن ارتتىرۋ, ساياسي رەفورمالار جۇرگىزىپ, باسقارۋدىڭ ءتيىمدى تەتىكتەرىن قالىپتاستىرۋ باعىتتارىندا دا قوماقتى شارۋالار اتقارىلدى. رەسپۋبليكامىز قازىرگە دەيىن بىرقاتار حالىقارالىق اۋقىمدى شارالارعا باستاماشى بولىپ ۇلگەردى. الەمدىك, وڭىرلىك دەڭگەيدەگى قۇرىلىمداردى ومىرگە اكەلۋدىڭ كوش باسىندا, ارينە, مەملەكەت باسشىسىنىڭ ءوزى ءجۇردى. ەل ىشىندەگى ەتنوسارالىق تاتۋلىق پەن دىنارالىق كەلىسىم ۇدەرىستەرى وزگەلەرگە ۇلگى ەتەرلىكتەي بيىك دارەجەگە كوتەرىلدى. دۇنيەجۇزىلىك, ايماقتىق قاۋىپسىزدىكتى قامتاماسىز ەتۋ سالاسىنداعى كۇش-جىگەرىمىز دە حالىقارالىق قوعامداستىق تاراپىنان لايىقتى باعاسىن الۋدا. الەمنىڭ كوپتەگەن مەملەكەتتەرىمەن تەڭ دارەجەدە دوستىق, ىنتىماقتاستىق ورناتتىق.
ايتالىق, 2010 جىلعى قازاقستاننىڭ ەقىۇ-عا توراعالىعى «سەنىم. ءداستۇر. اشىقتىق جانە توزىمدىلىك» سىندى جالپى قۇندىلىقتارعا نەگىزدەلدى. جوعارى دەڭگەيدە وتكەن سامميت جۇمىسىنا 56 ەلدىڭ مەملەكەت, ۇكىمەت جانە سىرتقى ساياسي ۆەدومستۆولارىنىڭ باسشىلارى قاتىستى.
2012 جىلعى 29 تامىزدا استانادا «يادرولىق سىناققا تىيىم سالۋدان – يادرولىق قارۋسىز الەمگە» اتتى حالىقارالىق كونفەرەنتسيا ءوتتى. مەيماندار جاھاندىق بەيبىتشىلىكتى جانە يادرولىق قاۋىپسىزدىكتى قولداۋ ءۇشىن قازاقستان باسشىلىعىنىڭ جاساعان ناقتى قادامدارىن اتاپ ءوتتى. پرەزيدەنت ن.نازارباەۆتىڭ تۇراقتى جانە قاۋىپسىز الەم قۇرۋ ىسىندەگى ءرولى جوعارى باعالاندى.
ال, 2017 جىلى استانادا وتەتىن ەحرو-2017 ورتالىق ازيا وڭىرىندەگى عانا ەمەس, تمد اۋماعىندا وتكىزىلەتىن العاشقى حالىقارالىق كورمە بولماق. حالىقارالىق «EXPO» كورمەسىنىڭ استانادا وتكىزىلۋى – جاھان جۇرتشىلىعىنىڭ قازاقستاندى مويىنداي بىلگەندىگىنىڭ بەلگىسى دەپ بىلەمىن.
