ەۋروپا مەملەكەتتەرىندە «دەنساۋلىق دۇڭگىرشەكتەرى» دەگەن بار. وندا جولاي ءوتىپ بارا جاتقان كەز كەلگەن ادام بويىن ولشەپ, دەنە سالماعى يندەكسىن بىلە الادى. ءتىپتى, قان قىسىمى قانشالىقتى ەكەنىن تەكسەرىپ, تەمپەراتۋراسىن ولشەيدى. ەندى مۇنداي دۇڭگىرشەكتەر استانادا دا پايدا بولماق.
استانا قالاسىنىڭ astana.gov.kz سايتىندا جاريالانعان اقپاراتقا سۇيەنسەك, مۇنداي دۇڭگىرشەكتەر ارقىلى دارىگەرلەردىڭ قابىلداۋىنا دا جازىلۋعا بولادى ەكەن.
«دەنساۋلىق دۇڭگىرشەكتەرى» قالانىڭ ءىرى ساۋدا ورتالىقتارىندا قويىلادى. شەت مەملەكەتتەردىڭ تاجىريبەسى وسىنداي دۇڭگىرشەكتەردىڭ قانداي دا ءبىر سىرقاتتىڭ الدىن الۋعا ايتارلىقتاي كومەكتەسەتىنىن كورسەتكەن.
