قالالىق ءماسليحات دەپۋتاتى قاراقات ابدەن شاھاردىڭ شەتكى ايماقتارىنىڭ جاعدايىن بىرنەشە مارتە كوتەردى. سونىڭ ىشىندە پريگورودنىي تۇرعىن الابىنداعى №24 ورتا مەكتەپتىڭ ماسەلەلەرى دە بار بولاتىن. اتالمىش كەنتتە جاڭبىرلى كۇندەرى جاياۋ ءجۇرۋ مۇمكىن ەمەستىگىن, اينالانى بالشىق, لاي باساتىنىن, ونىڭ ۇستىنە قوقىس تولىپ كەتەتىنىن, تۇرعىن الاپتا ءالى كۇنگە دەيىن دۇرىس جول جوقتىعىن ايتقان دەپۋتات وقۋشىلاردى مەكتەپكە جەتكىزۋدى ۇيىمداستىرۋ ماسەلەسىن دە كوتەرگەن ەدى.
جۋىردا كەيىنگى ماسەلە شەشىمىن تاۋىپ, №24 ورتا مەكتەپكە «Schoolbus» اۆتوبۋستارى وقۋشىلاردى تاسىمالداي باستادى. بۇل اۆتوبۋستار قالا اكىمدىگى ەسەبىنەن قارجىلاندىرىلادى. 500-دەن استام وقۋشىنى مەكتەپكە جانە كەرى قاراي جەتكىزەتىن وسىنداي ارنايى ءتورت اۆتوبۋس ءبولىندى.
جارتى جىل بويى ورنىنان قوزعالماي كەلگەن ماسەلەنى شەشىپ بەرگەنى ءۇشىن قاراقات ابدەننىڭ اتىنا №24 ورتا مەكتەپ ديرەكتورى عابيت سۇندەتوۆ پەن اتا-انالار اتىنان العىس حات كەلىپ ءتۇستى.
وسىنداي العىس حات قالالىق ماسليحاتقا ك.كۇمىسبەكوۆ كوشەسىندەگى №9/1, 9/2 ۇيلەرى تۇرعىندارىنان دا جىبەرىلدى. وندا: «اسەم قالامىز استانا تەك سۇلۋلىعىمەن عانا ەمەس, سونداي-اق, ءوزىنىڭ ىسكەر ادامدارىمەن دە تانىمال. ءوز كەزەگىمىزدە ءبىز قالالىق ءماسليحاتتىڭ دەپۋتاتى رەتىندە ۇلكەن قوعامدىق جۇمىستار اتقارىپ ءجۇرگەن سايات نۇرلانۇلى باتپەنوۆتىڭ جۇمىسىنا توقتالا كەتۋدى ءجون سانادىق. ول كىسىنىڭ قولعا الۋىمەن ك.كۇمىسبەكوۆ كوشەسى, 9/1, 9/2 ۇيلەرى اۋلالارىن اباتتاندىرۋ بويىنشا كوپتەگەن جۇمىستار اتقارىلدى. بالالارعا ەكى ويىن الاڭى, فۋتبول الاڭى سالىندى, كوشەمىز كوگالداندىرىلىپ, جارىق تارتىلدى.
سونداي-اق, جاياۋ جۇرگىنشىلەرگە قاۋىپتى بولعان كۇمىسبەكوۆ جانە كۋبرين كوشەلەرىنىڭ قيىلىسىنا ارنايى باعدارشام ورناتىلدى. جاياۋجولداردى اباتتاندىرۋ بويىنشا جۇمىس قارقىندى جۇرۋدە. الداعى ۋاقىتتا كوشەمىزدە ورنالاسقان, جاڭا ساۋلەتتىڭ ءسانىن بۇزىپ تۇرعان ەسكى گاراجداردىڭ سۇرىلۋىنە قولعابىس ەتسە دەگەن تىلەگىمىز بار. بۇل تىلەگىمىز جاقىن ارادا, ياعني 2019 جىلى جۇزەگە اسادى دەپ سەنەمىز.
سايات نۇرلانۇلىنىڭ تاعى ءبىر ايتا كەتەتىن يگى ءىسى – كۇمىسبەكوۆ كوشەسىنە سۋ قۇبىرىنىڭ تارتىلۋى.
سۋ قۇبىرى تارتىلعالى بەرى قۇبىرداعى سۋدىڭ قىسىمى ارتىپ, سۋ توقتاۋسىز كەلىپ تۇراتىن بولدى.
سايات نۇرلانۇلى باتپەنوۆ سايلاۋشىلاردىڭ وتىنىشتەرىن جەكە باقىلاۋدا ۇستاپ, ونىڭ وڭ شەشىلۋىن قاداعالايدى. وعان كوشە تۇرعىندارىنىڭ العىسى شەكسىز» دەلىنگەن حاتقا ەڭبەك ارداگەرلەرى اسحات تويكين, فاينا تيموفەەۆا, نۇرماعانبەت تۇڭعاتوۆ قول قويعان.
