بۇگىنگى تاڭداعى وزەكتى تۇيتكىلدەرىنىڭ ءبىرى – سپيد دەرتىن تۋدىراتىن ۆيچ ينفەكتسياسى. بەلگىلى مالىمەتتەر سۇيەنسەك قوعامدا پايدا بولعاننان بەرى ەپيدەميا 30 ملن استام ادامنىڭ ءومىرىن جالماعان ەكەن. وسى دەرتپەن كۇن سايىن الەمدە 5500 ادام كوز جۇماتىن كورىنەدى. سوندىقتاندا قازىرگى قوعامعا جۇقپانىڭ تارالۋىنىڭ الدىن الۋ – بۇگىنگى كۇنگى باستى مىندەتتەردىڭ ءبىرى بولىپ وتىر. وسى تۇرعىسىنان دا قوعامنىڭ نازارىن اۋدارتۋ ءۇشىن بەلگىلى ءبىر كۇندەر بەلگىلەنگەن. سولاردىڭ ءبىرى – جيتس-ن قازا بولعانداردى ەسكە الۋ كۇنى. وسى سالا ماماندارىنىڭ ايتۋىنشا بۇل كۇن 1983-جىلدان بەرى مامىر ايىنىڭ ءۇشىنشى جەكسەنبىسى الەمدىك دەڭگەيدە بەلگىلەنەتىن ايتۋلى كۇندەردىڭ ءبىرى بولىپ ەسەپتەلەدى. ماقساتى – نەگىزى ماقساتى ايتۆ/جيتس-ڭ تارالۋىنا قوعامنىڭ نازارىن اۋدارۋ, تۇرعىندارعا, ونىڭ تارالۋ جولدارى تۋرالى تولىققاندى اقپارات بەرۋ. جانە ايتۆ-جۇقتىرعانداردى الەۋمەتتىك قورعاۋ, اۋرۋدى ەمدەۋ جانە الدىن الۋ» دەپ توقتالىپ ءوتتى استانا قالاسى جيتس ورتالىعىنىڭ باس دارگەرىنىڭ ورىنباسارى سالتانات بەرىكقىزى. وسى ايتۋلى كۇنگە وراي ورتالىق ماماندارىنىڭ ۇيىمداستىرۋىمەن «تۋران» كوللەدجىندە اۋقىمدى ءىس-شارا وتكىزىلدى. وعان قاتىسۋشىلار ماماندار كەڭەسىن تىڭداپ, ادامنىڭ قانىندا ايتۆ-نىڭ بار-جوعىن جەدەل انىقتايتىن ەكسپرەسس-تەستىلەردەن ءوتتى. «مەن بۇل شارا تۋرالى كەزدەيسوق ەستىپ كەلدىم, مىنە, جەدەل تەستدەن ءوتىپ قان قۇرامىمدى انىقتاتىم, كوكەيدە جۇرگەن ساۋالدارىما جاۋاپ الدىم. ءبىز سياقتى قاراپايىم تۇرعىندار ءۇشىن وسىنداي جۇمىستار كوپتەپ اتقارىلسا ەكەن»-دەپ تىلەگىن ءبىلدىردى شاراعا قاتىسۋشى قالا تۇرعىنى ب.بوزجيگيتوۆا. راسىمەن دە داۋاسى جوق دەرتتىڭ الدىن الۋداعى باستى شارانىڭ ءبىرى بۇقاراعا سپيد-ءتىڭ زالالى مەن جۇعۋ جولدارى تۋرالى اقپارات بەرۋ ەكەنىن ەسكەرسەك, وسىنداي كەزدەسۋلەر ءجيى وتكىزىلگەنى ابزال دەر ەدىك. ال مامانداردىڭ ايتۋىنشا كۇن بۇگىن عانا ەمەس, ءوز بولاشاعىنا الاڭدايتىن كەز كەلگەن تۇرعىننىڭ قالالىق جيتس ورتالىعىنا كەلىپ قالاعان ۋاقىتىندا ايتۆ-عا تەكسەرىلۋىنە جانە مامانداردان كەڭەس الۋلارىنا جاعداي جاسالىنعان. «ءار كەز ەسىگىمىز اشىق » دەيدى. بۇگىندە استانادا وسى دەرتتكە شالدىققاندار سانى 762 ادامعا جەتكەن ەكەن. 2014 جىلدىڭ وتكەن ءتورت ايى ىشىندە قالامىزدا ايتۆ ينفەكتسياسىن جۇقتىرۋدىڭ جاڭادان 52 جاعدايى تىركەلىپتى. بۇل كورسەتكىش مامانداردى الاڭداتۋدا. كوڭىلگە ءبىر مەدەۋ بولاتىنى – قازىرگى تاڭدا ءوز ەرىكتەرىمەن كەلىپ, قان قۇرامدارىن تەكسەرتىپ مامانداردىڭ كەڭەسىنە جۇگىنەتىن تۇرعىندار سانى كوبەيگەن.
ق. توقتامۇرات
