№5 قالالىق ەمحانانىڭ ۇجىمى «دونور بول – باسقا ادامعا ءومىر سىيلا!» اتتى قايىرىمدىلىق شاراسىنا قاتىستى. اكتسيانىڭ ماقساتى – قانعا مۇقتاج ادامداردىڭ ءومىرى مەن دەنساۋلىعىن ساقتاۋعا مۇمكىندىك بەرۋ ءۇشىن قان بانكىنىڭ قورىن تولىقتىرۋ.
جول-كولىك جانە جازاتايىم وقيعالار سالدارىنان جەدەل وتا جاساۋ – دونورلىق قاندى قاجەت ەتەتىن جاعدايلاردىڭ ءبىر پاراسى عانا. كۇن سايىن مىڭداعان ادام قان قۇيۋعا مۇقتاج, ال مەديتسينا قىزمەتكەرلەرى قاشاندا ادامدارعا ءبىرىنشى بولىپ كومەككە كەلەدى. بۇل اكتسيا دا قاجەتتى ساقتىق شارالارىن قاتاڭ ساقتاي وتىرىپ وتكىزىلدى. اكتسيا قاتىسۋشىلارى ساۋالناما تولتىرىپ, دەنساۋلىق جاعدايىن الدىن الا دياگنوستيكادان وتكىزدى. ترانسفۋزيولوگيا عىلىمي-وندىرىستىك ورتالىعىنىڭ رەسمي سايتىندا سونىڭ ناتيجەلەرى بويىنشا 58 ادامعا قان تاپسىرۋعا رۇقسات بەرىلگەنى جازىلدى. نۇر-سۇلتان قالاسىنىڭ №5 قالالىق ەمحاناسى قىزمەتكەرلەرى قان بانكى قورىن تولىقتىرۋعا جىل بويى بەلسەندى تۇردە قاتىسادى, وسىلايشا ەلوردامىزدا وتەۋسىز دونورلىقتى دامىتۋ مەن قولداۋعا ايتارلىقتاي ۇلەس قوسادى. اتالعان ورتالىقتىڭ رەسمي سايتىندا اشىلعان «جەكە كابينەت» ايدارى ارقىلى تالداۋ ناتيجەلەرى تۋرالى اقپاراتتى الۋعا بولادى, سونداي-اق ءوزىڭىز جاساعان دوناتسيالاردىڭ سانىن دا كورە الاسىز.
