«دوس-مۇقاسان» ۆوكالدى-اسپاپتى ءانسامبلى 1975 جىلى 4-5 قىركۇيەكتە تسەلينوگراد قالاسىنداعى جاستار سارايىنىڭ اشىلۋ راسىمىندە ءوز تىڭداۋشىلارىن سۇيسىندىرگەن, بۇدان كەيىن دە تىڭ يگەرۋشىلەر الدىندا بىرنەشە كونتسەرت قويعان بولاتىن.
ءانشى-كومپوزيتور مۇرات قۇسايىنوۆ جەتەكشىلىك ەتكەن ونەرپازدار تسەلينوگراد وبلىسىنا گاسترولدىك ساپارمەن 1989 جىلى اپرەل ايىندا «قۇستىڭ سامعاۋى» اتتى جاڭا مۋزىكالىق باعدارلامامەن كەلدى.
ورىندالعان اندەر مەن مۋزىكالىق شىعارمالاردا ارال, سەل, ءتىل پروبلەمالارى قوزعالادى. كونتسەرتتىك قويىلىمنىڭ يدەياسى – قازىرگى بولمىسىمىزعا قۇس قاناتى تالعان بيىكتىكتەن قاراپ, وعان تەرەڭىرەك بويلاۋ نيەتىنەن تۋعان.
رەپەرتۋاردان جاڭا اندەرمەن قاتار, ەلەكترلى مۋزىكا اسپاپتارىنا لايىقتالىپ وڭدەلگەن حالىق اندەرى دە بەرىك ورىن العان. تسەلينوگرادتا 1989 جىلى 1 ءساۋىر كۇنى «تسەليننىي» كينوتەاترىندا كەشكىسىن ەكى كونتسەرت قويدى. «دوسمۇقاسان» وسى ساپارىندا اتباسار, دەرجاۆين, جاقسى, قيما اۋداندارىندا دا ونەر كورسەتتى.
عازيزا يساحان
