28 اقپان كۇنى 71 جاسقا قاراعان شاعىندا ەلىمىزدىڭ اياۋلى ۇلى, تانىمال ازامات, بەلگىلى پۋبليتسيست, ساياساتتانۋشى, قوعام قايراتكەرى, «قۇرمەت» وردەنىنىڭ يەگەرى كەنجەبولات ماحمۇتۇلى جولدىباي دۇنيەدەن وزدى.
قالامىنان وننان استام كىتاپ, جۇزدەگەن ماقالا شىققان پۋبليتسيست كەنجەكەڭ شىعارماشىلىق جونىمەن دە, بولمىس-بىتىمىمەن دە وزگەلەردەن ەرەكشەلەنىپ تۇراتىن. ەكى تىلدە دە ەركىن جازاتىن ساناۋلى قالامگەردىڭ ءبىرى بولاتىن. ىزدەنىمپازدىعى, ەڭبەكقورلىعى, جاۋاپكەرشىلىگى كىمدى بولسىن ءتانتى قىلاتىن. جانى جايساڭ, جان-جاعىنا نۇرىن شاشىپ, تانىعانىنا جىلى ءسوزىن اياماي, كىمگە بولسىن قول ۇشىن سوزىپ, كومەك بەرۋگە دايىن تۇراتىن ابزال جان ەدى. ءومىرىنىڭ سوڭعى 7-8 جىلىندا ءوزىنىڭ كاسىبي شىعارماشىلىعىنان بولەك, رەسپۋبليكالىق ارداگەرلەر ۇيىمىنىڭ قوعامدىق جۇمىستارىنا دا بەلسەنە ارالاسىپ, كوپتەگەن ءىس-شارالارىنا قاتىسىپ, وزىندىك ورنىن تاۋىپ ەدى.
بەرگەنىنەن بەرەرى كوپ قايراتكەر, قالامگەر, تىڭداۋشىسىن ەلىتەر اقىلمان ەدى. يمانى كامىل, ۇستانىمى مىعىم, ۇلتتىق تاربيە, سالت-ساناعا بەرىك بولاتىن ازاماتىمىز ەدى.
ورنى تولماس قازا!
اياۋلى جارى توكەن زامانداسىمىزعا, بالالارى ماديار, ءسارۋار, ايگەرىمگە, نەمەرەلەرىنە, باسقا دا تۋعان-تۋمالاستارعا اۋىر قايعىلارىڭىزعا ورتاقتاسىپ, كوڭىل ايتامىز, قابىرعالارىڭىزدى قايىستىرعان قايعى ۇستىندە بولاتتاي بەرىك بولىڭىزدار. اۋلەتتەرىڭىز ءۇشىن ورنى تولماس جاعدايدا تاعدىردىڭ جازۋىنا كونبەسكە امال جوق.
كەنجەبولات ماحمۇتۇلى باۋىرىمىزدىڭ جانى ءجانناتتا, ءتانى راحاتتا, توپىراعى تورقا بولعاي.
رەسپۋبليكالىق ارداگەرلەر ۇيىمى ورتالىق كەڭەسى اتىنان:
ومىرزاق وزعانباەۆ,
كوپبولسىن بەكماعانبەت,
بەيبىت وسپان,
جانات ەلۋباەۆا,
ۆەرونيكا تسوي,
گۇلىم ابدراحمانوۆا,
نادەجدا چەرنۋشەنكو,
جۇرسىنبەك باينياز,
ءادىلحان ابدۋلين,
مارات ناگۋمانوۆ,
ايگۇل دەمەۋوۆا,
قۋانىش ناجۋوۆ.
