استانا قالاسىنىڭ ساۋلەت قاۋىمداستىعى, دوستارى, ارىپتەستەرى, «استانا باس جوسپارى» عزجي» جشس, «استانا قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسى» مم ۇجىمى, «قازاقستاننىڭ قالا قۇرىلىسشىلارى وداعىنىڭ استانالىق فيليالى» قب قازاقستان رەسپۋبليكاسىنىڭ قۇرمەتتى ساۋلەتشىسى نۇرباەۆ عۇمار قارىسۇلىنىڭ قايتىس بولۋىنا بايلانىستى قايعىرىپ, تۋعان-تۋىستارى مەن جاقىندارىنا قايعىلارىنا ورتاقتاسىپ, كوڭىل ايتادى.
عۇمار قارىسۇلى 1958 جىلى 3 مامىردا شىعىس قازاقستان وبلىسى كاتون-قاراعاي اۋدانىنىڭ مويىلدى اۋىلىندا دۇنيەگە كەلگەن.
ورتا مەكتەپتى بىتىرگەن سوڭ 1976-1978 جىلدارى كەڭەس اسكەرى قاتارىندا اسكەري بورىشىن وتەدى, كەيىننەن شىعىس قازاقستان وبلىسىنىڭ «التاي» سوۆحوزىندا جۇمىس ىستەدى.
1985 جىلى وسكەمەن قۇرىلىس-جول ينستيتۋتىندا «ساۋلەت» ماماندىعى بويىنشا وقۋىن ءتامامدادى. ودان ءارى تاراتۋ بويىنشا تسەلينوگراد قالاسىنا كەلدى. 1985 جىلدان باستاپ 1994 جىلعا دەيىن «تسەلينگورسەلپروەكت» جوبالاۋ ينستيتۋتىندا (كەيىننەن تسەلينگراجدانپروەكت) ساۋلەتشى, ساۋلەت شەبەرحاناسىنىڭ باستىعى, جوبالاۋ ينستيتۋتىنىڭ باس ساۋلەتشىسى رەتىندە قىزمەت ەتتى. ودان كەيىن ساۋلەتشى, ءبولىم باسشىسى رەتىندە ءتۇرلى ۇيىمداردا ءوزىنىڭ كاسىبي قىزمەتىن جالعاستىردى.
2001 جىلى «استانا باس جوسپارى» جوبالاۋ ينستيتۋتى قۇرىلعان كەزدەن باستاپ عۇمار قارىسۇلى جاڭا باس جوسپار شەبەرحاناسىن باسقاردى. جاڭا استانانىڭ قالا قۇرىلىسى جوبالارىن جوبالاۋدى ۇيىمداستىردى. 2001-2007 جىلدارى ونىڭ قاتىسۋىمەن قارقىندى دامىپ كەلە جاتقان جاس استانانىڭ كوپتەگەن تۇبەگەيلى جوسپارلاۋ جوبالارى ازىرلەندى. 2003 جىلى «استانا قالاسىنىڭ جاڭا اكىمشىلىك ورتالىعىنىڭ دوڭگەلەك الاڭى قۇرىلىسى» جوباسى بويىنشا جۇمىستى باسقاردى. 2007 جىلى عۇمار قارىسۇلى جوبالاۋدىڭ بارلىق ساتىلارىنىڭ: تجج – باس جوسپارعا, ەسكيزدىك جوبانىڭ – تجج, جۇمىس جوباسىنىڭ – ەسكيزدىك جوباعا جانە ت.س.س. سايكەستىكتەرىن باقىلاۋدى قامتاماسىز ەتەتىن جوبالاۋ قۇجاتتاماسىنىڭ مونيتورينگى شەبەرحاناسىنىڭ جۇمىسىن ۇيىمداستىردى.
2008 جىلدىڭ جەلتوقسان ايىندا قازاقستان رەسپۋبليكاسى پرەزيدەنتىنىڭ جارلىعىمەن نۇرباەۆ عۇمار قارىسۇلى «ەرەن ەڭبەگى ءۇشىن» مەدالىمەن ماراپاتتالدى.
ونىڭ تىكەلەي قاتىسۋىمەن استانا قالاسىنىڭ ورتالىق بازارى اۋدانىنداعى ءبىرىنشى جاڭا مەشىت, قر قارۋلى كۇشتەرىنىڭ مەملەكەتتىك اسكەري-تاريحي مۇراجايى (رەسپۋبليكا داڭعىلى-باراەۆ كوشەسى), ابىلاي حان داڭعىلىنداعى تۇرعىن ۇيلەر, قابانباي باتىر داڭعىلىنداعى 30 مىڭ دۇعا ەتۋشىگە ارنالعان استانا قالاسىنداعى جاڭا مەشىت جوبالاندى.
ەلىمىزدىڭ كوپتەگەن قالالارى مەن ەلدى مەكەندەرىنىڭ قالا قۇرىلىسى جانە ساۋلەت جوبالارىن ازىرلەۋگە قاتىستى (اتىراۋ قالاسى, اقمولا وبلىسىنىڭ ەلدى مەكەندەرى). تۇركىستان قالاسىنداعى كەرۋەن سارايى وبەكتىسىن دە ول جوبالادى.
عۇمار قارىسۇلىنىڭ قارىنداشتىڭ بىرنەشە شتريحىمەن كەسكىندەردى بەرۋگە جانە كەز كەلگەن ساۋلەت جانە قالا قۇرىلىسى يدەياسىن ەلەستەتۋگە, جوبالاۋ پروتسەسىن كاسىبي تۇردە ۇيىمداستىرۋعا, ادەتتەگى جۇمىس پروتسەسىنە شىعارماشىلىق سيپات بەرۋگە ەرەكشە قابىلەتى بولدى. ول وقۋشىلاردىڭ بۇكىل ساڭلاقتارىن تاربيەلەدى, ساۋلەت جانە قالا قۇرىلىسى سالاسىندا تانىمال بەدەلدى بولدى.
عۇمار قارىسۇلى ءومىر بويى سۇيىكتى ىسىنە بەرىلگەن, ەڭبەك جولىن قاراپايىم ساۋلەتشى بولىپ باستاپ, 38 جىلدان استام ساۋلەتشى بولىپ قىزمەت اتقاردى.
ءبىزدىڭ ەسىمىزدە عۇمار قارىسۇلى اشىق, اقكوڭىل, زيالى, جىگەرلى ادام بولىپ قالادى, ول تاماشا, جارقىراعان, ءازىل-وسپاقتى تۇسىنەتىن, ءپوزيتيۆتى, سىني ويلايتىن, ارىپتەستەرىن قولداۋدى جانە باعىتتاۋدى بىلەتىن ادام, جاقسى وتاعاسى, جۇبايىنا سۇيىكتى جار جانە شىنايى وداقتاسى, وتباسىنا تىرەك بولدى, تاماشا بالالاردى ءوسىردى, نەمەرەلەرىن ءسۇيىسپەنشىلىككە بولەدى.
قايعىرىپ كوڭىل ايتامىز. ەسىمىزدە ماڭگى قالادى.
دوستارى, ارىپتەستەرى,
استانا قالاسىنىڭ ساۋلەتشىلەرى, قازاقستاننىڭ قالا قۇرىلىسشىلارى
وداعىنىڭ استانالىق فيليالى, «استانا باس جوسپارى» عزجي» جشس
ۇجىمى 2023 جىلعى 6 اقپان
