– ەلىمىزدە كونستيتۋتسيالىق رەفورمانى تاجىريبەدە ىسكە اسىرۋ جالعاسۋدا. بيىل قاڭتاردا زاڭ شىعارۋ قىزمەتىن جۇزەگە اسىراتىن رەسپۋبليكانىڭ وكىلدى ورگانى – پارلامەنت سەناتىنىڭ دەپۋتاتتارىن سايلاۋ وتكىزىلدى. ەندى الدا 2023 جىلدىڭ 19 ناۋرىزىندا پارلامەنت ءماجىلىسى مەن ءماسليحاتتار دەپۋتاتتارىن كەزەكتەن تىس سايلاۋ ناۋقانى وتەدى. بۇل سايلاۋلاردىڭ ەرەكشەلىگى – رەفەرەندۋم ناتيجەسى بويىنشا قابىلدانعان تۇزەتۋلەرگە سايكەس ولاردىڭ ارالاس سيپاتقا يە بولۋى. ازاماتتار كانديداتتارعا پارتيالىق ءتىزىم بويىنشا تاڭداۋ جولىمەن عانا ەمەس, سونىمەن قاتار ءوزىن-ءوزى ۇسىنعان كانديداتتارعا دا داۋىس بەرە الادى. تاعى ءبىر جاڭاشىلدىق – ناقتى ءبىر سايلانۋشىلاردىڭ جۇمىسىنا كوڭىلى تولمايتىن قازاقستاندىقتاردىڭ ولاردىڭ كانديداتۋراسىن قايتارىپ الۋعا قۇقىعىنىڭ بولۋى. جالپىلاما العاندا, سايلاۋ ناۋقانى قازاقستانداعى بۇكىل ساياسي پروتسەستىڭ دامۋىنىڭ وڭ ترەندىنە يە. ەگەر ءبىز ادىلەتتى قازاقستاندا ءومىر سۇرۋمەن بايلانىستى قوعامدا وزگەرىستەر بولعانىن قالاساق, ەگەر مەملەكەتتىلىگىمىزدى نىعايتا ءتۇسۋدى كوزدەسەك, وندا ەلىمىزدەگى وتە ماڭىزدى مەملەكەتتىك جانە ساياسي اكتسيالار – ءماجىلىس پەن ءماسليحاتتار سايلاۋىنا بەلسەندى قاتىسۋىمىز كەرەك.
تامارا شيرمەر,
«وبەرەگ» ۋكرايندىقتار قوعامى»
قب توراعاسى
