«اۆتوبۋس» جەدەل-پروفيلاكتيكالىق شاراسى كەزىندە ەكى كۇننىڭ ىشىندە پوليتسەيلەر جولاۋشىلار اۆتوبۋسىنىڭ جۇرگىزۋشىلەرى جىبەرگەن جول قوزعالىسى ەرەجەسىن بۇزعان 224 دەرەكتى انىقتادى.
ونىڭ ىشىندە قورشاعان ورتانى لاستاۋ, جاياۋ جۇرگىنشىلەر جولىندا جول بەرمەۋ, كولىكتە كەلە جاتىپ تەلەفونمەن سويلەسۋ سەكىلدى قۇقىق بۇزۋشىلىقتار بار. استانا قالاسى ءىىد ءباسپاسوز قىزمەتىنىڭ حابارلاۋىنشا, اتالمىش شارا اپاتتىڭ الدىن الۋ جانە جولاۋشىلار مەن جۇكتەردى تاسىمالداۋ ەرەجەسىن باقىلاۋ ماقساتىندا جۇرگىزىلگەن. سونداي-اق اۆتوبۋستاردىڭ تەحنيكالىق جاعدايى, نورماتيۆ پەن ستاندارت تالاپتارى بۇزىلعان اۆتوبۋستى پايدالانۋ جانە باسقارۋ دەرەكتەرى انىقتالۋدا. جۇرگىزۋشىلەردىڭ ەڭبەك جانە دەمالىس رەجيمى مەن جولاۋشىلاردى تاسىمالداۋداعى بەكىتىلگەن نورمالاردى ساقتاۋى دا تەكسەرىلدى.
