نۇر-سۇلتان قالاسىندا كوروناۆيرۋسقا قارسى ۆاكتسيناتسيالانعاندار اراسىندا مالديۆكە ەكى ادامعا جولداما جانە باسقا دا باعالى سىيلىقتار ويناتىلادى.
ۇتىس ويىنىنا 25 قازان مەن 25 جەلتوقسان ارالىعىندا ۆاكتسينانىڭ 1-ءشى كومپونەنتىن العاندار اۆتوماتتى تۇردە قاتىسادى. ازاماتتارعا قۇجاتتاردى تولتىرىپ, تىركەلۋدىڭ قاجەتى جوق. مالديۆكە ەكى ادامعا ارنالعان جولدامانىڭ جانە باسقا دا باعالى سىيلىقتاردىڭ ۇتىس ويىنى نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) پاراقشاسىنىڭ تىكەلەي ەفيرىندە وتەدى.
ەسكە سالا كەتەيىك, بۇعان دەيىن ەلوردا اكىمدىگى دەمەۋشىلەرمەن بىرلەسىپ كوروناۆيرۋسقا قارسى ۆاكتسيناتسيالانعانداردىڭ اراسىندا ەكى بولمەلى پاتەر, اۆتوكولىك, 20-دان استام iphone12, تۇرمىستىق تەحنيكا جانە باسقا دا باعالى سىيلىقتار ويناتىلدى.
باعالى سىيلىقتاردىڭ ۇتىس ويىندارى ازاماتتاردى ۆاكتسيناتسيالاۋعا ىنتالاندىرۋ ماقساتىندا وتكىزىلەدى. تەك ۆاكتسيناتسيا ءسىزدىڭ جانە جاقىندارىڭىز بەن اينالاڭىزداعى ادامداردىڭ دەنساۋلىعىن قورعاۋعا مۇمكىندىك بەرەدى.
