پرەزيدەنت قاسىم-جومارت توقاەۆ شاۆكات ميرزيوەۆتى وزبەكستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتاپ, وزبەك كوشباسشىسىنىڭ سايلاۋداعى سەنىمدى جەڭىسى ونىڭ ستراتەگيالىق باعدارىنىڭ جالپىحالىقتىق قولداۋعا يە بولعانىن تاعى ءبىر مارتە دالەلدەدى دەپ اتاپ ءوتتى.
اڭگىمەلەسۋ بارىسىندا قاسىم-جومارت توقاەۆ شاۆكات ميرزيوەۆتىڭ باۋىرلاس ەكى حالىق اراسىنداعى كوپ عاسىرلىق دوستىق پەن تاتۋ كورشىلىك قاتىناستاردى نىعايتۋعا زور ۇلەس قوسقانىن ايتتى. تاراپتار قازاقستان مەن وزبەكستان اراسىنداعى ستراتەگيالىق سەرىكتەستىكتىڭ مول الەۋەتىن تولىق جۇزەگە اسىرۋ جانە ورتالىق ازياداعى ءوزارا سەنىمدى نىعايتۋ ماقساتىندا بىرلەسكەن جۇمىستاردى بەلسەندى جالعاستىرۋعا دايىن ەكەنىن ناقتىلادى. قازاق-وزبەك قاتىناستارىنا ءىس جۇزىندە تىڭ سەرپىن بەرۋ ءۇشىن قاسىم-جومارت توقاەۆ شاۆكات ميرزيوەۆتى قازاقستانعا مەملەكەتتىك ساپارمەن كەلۋگە شاقىردى.
